Napatingin si Joaquin sa brown envelope na pabagsak na inilapag ni Hector sa kaniyang office table.
Narito siya ngayon sa kaniyang opisina ng La Guerrero shipping company.
Ilang linggo na ang nakaraan, ngayon lang ulit siya nakabalik dito sa Manila pagkatapos ng pangalawang meeting nila ni Mr. Rasmussen. Mabuti na lang at binigyan siya nito ng isa pang pagkakataon para makausap siya nang personal. Interesado rin kasi ito sa kaniyang kompanya.
Si Mr. Rasmussen ang apo sa tuhod ng nagtatag ng isa sa pinakamalaking global shipping company na may revenue na eighty billion dollars at may net income na thirty billion dollars.
Nitong nakaraang taon, bumagsak ang net profit nito sa twenty billion dahil sa mahigpit na kompitisyon. Limang bigating kompanya ng shipping liners ang patuloy na nam
