CHAPTER 23
“Good morning po Ma’am,” sabi ng kasambahay na si Josie sabay ngiti nang pagkalaki-laki na kita ko buong ngipin na nagkulay brown nang dahil sa kinakain niya.
“Alex na lang itawag mo sa ‘kin. Mukhang magka-edad lang naman tayo.”
“Sige po,” sagot niya ‘tsaka niya ‘ko inabutan ng chocolate. “Gusto niyo po?”
“No thanks. Hindi ako mahilig sa matamis. Saan mo pala nakuha ‘yan?” Pang-uusisa ko. Pamilyar kasi ‘yung mga chocolates na hawak niya.
“Ah doon po sa Mommy niyo.” Tumuro pa siya sa likuran niya.
“Kay Nanay?”
“Opo, marami pa nga po doon. Iba’t-ibang klase,” masaya niyang sabi.
Bumaba ako at inabutan ko si Nanay sa sala na nanonood ng TV kasama ‘yung nurse niya. Nakita ko ‘yung bowl na nakapatong sa ibabaw ng hita niya. Mukhang marami-rami na rin silang nakain dahil sa
