Millicent's POV
Ilang sandali lang ay dumating na sina Manang Esmeralda at ang mga katulong para ibigay sa amin ang agahan namin.
Handa na sana akong kumain ng mapansin kong wala pa akong kutsara at tinidor.
Pasimple akong napahimas sa batok ko saka ko nakita si Starth na malapit lang sa mga kutsara at tinidor kaya naman tumikhim ako para agawin ang atensyon niya.
Ilang ulit akong tumikhim ngunit hindi naman niya ako pinansin.
Ganoon kalaki ang galit niya sa akin?
Sa tanong palang na iyon sa isip ko ay para ng tinusok ng ilang libong karayom ang puso ko.
"Starth," kinalabit ko siya at ang blangko niyang mukha ang sumalubong sa akin. "Paabot iyong kutsara." Saad ko pero bumagsak nalang ang balikat ko ng ibalik niya ang atensyon niya sa pagkain na para bang hindi niya narinig ang
