MILLICENT'S POV
MADIIN ang ginagawa kong pagkusot sa uniform ko, kulang na lang ay ibabad ko ito magdamag sa chlorine para lang maalis ang mantya ng dugo ko. Wala na ang sugat na natamo ko subalit ang dugo ko ay naririto pa rin. Panandalian akong tumigil dahil nararamdaman kong bumababa na ang benda sa dibdib ko. Kahit wala na ang sugat kailangan kong palabasin na nasugatan ako dahil baka hindi ko napansin may tao pa lang nakakita sa ginawang pananaksak sa akin ng babaeng iyon.
Ipinagpatuloy ko ang pagkusot sa damit ko, kanina pa ako dito dahil ayaw ko rin namang harapin si Mama, nang malaman niya ang nangyari kay Amelou ay grabe ang galit niya na inaasahan ko naman na subalit hindi ko inaasahang sa akin niya ibabaling ang galit niya. Naiintindihan ko bakit niya ginawa iyon pero ayaw ko
