MILLICENT'S POV
Kakalabas lang namin ni Washington ng observatory room ng harangin kami ng ilang gwardiya. Salubong ang kilay ko ng harapin sila, limang gwardiya ang nasa harapan namin.
"Professor Ronaldo wants to talk to both of you." Sabi ng isa sa mga guard kaya lumingon ako kay Washington na nasa tabi ko, halatang wala din siyang alam sa nangyayari kaya tumango na lang ako sa gwardiya at sumunod sa kanila.
Inilinga ko ang tingin sa paligid, sobrang daming gwardiya, ano bang nangyayari? May nahanap na kaya sina Eilia? Nasa dalawang oras din ang iginugol namin sa Observatory Room kaya hindi ko alam kung ano na ang siyang nangyari sa kanila.
Maayos naman kaming pinapasok ng mga gwardiya sa opisina ni Professor Ronaldo. Hinawakan ko si Washington sa pulsuhan niya at naging alerto ako
