Chapter 15
"Ayos ka lang?" Basag ng kanyang kaharap sa katahimikan. Nawala na sa kanyang paningin ang nobyo. Marahil ay nasa clinic na ito kasama ang dati nitong kasintahan. Nanlulumong napabuntonghininga si Zawi. Nakakuyom ang kanyang mga palad at napangiwi siya sa sakit dahil napalakas ang pagkakakuyom niya at nasagi ang kanyang sugat.
"What happened to your hands?" Binalingan ni Zawi si Ridge. Kakikitaan ito nang pag-aaalala ngunit kaagad niya ring binawi ang paningin sa binata.
"Ayos lang ako," pilit ang ngiting aniya.
"Is it because of the cake?" malumanay nitong tanong sa kanya.
Hindi siya sumagot. Nahihirapan siyang magsalita dahil sa namumuong bikig sa kanyang lalamunan. Dinadamba nang kakaibang kirot ang kanyang puso at pakiramdam niya ay anumang oras ay papatak ang mga luh
