KULANG na lang ay bumunghalit siya ng iyak. Bukod sa mayor na magkakasal sa kanila ay naroroon at naghihintay sa kanila ang buong pamilya ni d**k. Kumpleto ang apat na babaeng mga kapatid nito. Nauna pang lumapit ang mga ito sa kanya habang nakangiti na nakamasid lang sa kanila ang mag-asawang Rick at Raquel.
“Hello, Ate Honey!” Rani greeted her warmly. Niyakap siya nito bago nagbigay ng espasyo sa isa pang kapatid.
“This is a surprise!” Hinalikan siya ni Ruth sa pisngi.
“Nagtaka pa kayo. May ganyang ugali talaga si Kuya d**k,” sabi naman ni Reina na sinulyapan muna ang kuya bago yumakap din sa kanya. “Welcome to the family, Ate Honey.”
“I fourth the motion,” pabiro namang sabi ng pinakabunso na si Reyanne. “Sinabi na nila lahat, eh. Bast
