"Ano nga ulit 'yong tanong mo, Cara?" ulit ko sa anak habang pinanlalakihan ng mga mata si Kyrous.
"Mommy, paano po naging kayo ni daddy?"
"Ano..." Syempre, hindi ko dapat sabihin na sinagot ko si Kyrous habang inaangkin ako sa kama.
"Niligawan ko ang mommy mo, Cara. Ang tagal nga niya akong sinagot, e. Noong malapit na siyang..."
"Noong malapit na akong gr-um-aduate, sinagot ko na ang daddy mo. Kasi mahal na mahal ko siya," pagpapatuloy ko at binigyan siya ng matamis na ngiti.
"At ako rin po! I love you, mommy!" Niyakap niya ako kaya mas lumawak ang ngiti ko.
"Lalo na ako!" pagmamalaki ni Kyrous at nakiyakap sa amin. Ang isang kamay niya ay nasa balikat ni Cara samantalang ang isa ay nasa kanang dibdib ko. Mabilis kong siniko ang tiyan niya pero hindi iyon pinahalata sa anak.
