"Ma'am, okay lang po ba kayo?"
Gulat na napalingon si Stephanie sa kanyang likuran nang mula doon ay may narinig siyang boses ng isang lalaki.
Nang tingnan niya ito ay nakita niyang nakasuot ito ng damit pang-constraction.
"O-okay lang po ako," sabi niya at pilit niyang pinapakalma ang kanyang sarili.
Napatingin siya sa likuran ng lalaki nang biglang may dumaan na isang nurse at ang tantiya niya ay iyon ang nurse na nakakita sa kanya noong unang beses na napunta siya rito. 'Yon 'yong nurse na para bang nakakita ng multo nang mapagmasdan siya nito.
Dali-dali siyang lumabas saka niya sinundan ang nasabing nurse.
"Sandali!" tawag niya rito na siya namang nagpatigil sa paglalakad ng nurse.
Dahan- dahan itong pumihit paharap sa kanya at muli niyang nakita ang pagkagulat nito.
"M-may kai
