Isang baso ang bumagsak at nabasag mula sa pagkakahawak ni Rhodora nang marinig niya ang lahat.
Nanlaki ang kanyang mga mata at napaawang ang kanyang labi sa sobrang pagkabigla.
"Honey?"
"Mommy?"
Halos magkasabay pang sambit nina Alonso at Georgette.
Agad nilapitan ni Alonso ang asawa na gulat na gulat pa rin sa narinig.
"Honey," aniya at nang subukan niyang hawakan si Rhodora ay agad itong umiwas habang nanatili ang mga mata nito sa dalaga na kabado na rin sa maaaring mangyari.
"T-totoo ba ang narinig ko?" hindi makapaniwalang tanong ng ginang habang nanatili siyang nakatingin kay Georgette saka niya binalingan ang asawa kaya rumehistro sa mukha ni Alonso ang pagkakataranta dahil hindi niya alam kung papaano niya sasabihin ang buong katotohanan sa asawa.
"Honey," tanging salit
