Chapter 29
Maestranza
Dumating ang araw ng Sabado at luluwas na kami ni Irwin patungong Maestranza. Mamaya ay susunduin niya ako. Ako naman ay kasalukuyang nag-e-empake ng ilang mahahalagang gamit at damit na susuotin ko mamaya roon. Kinuha ko kasi ang mga paborito kong damit sa bahay noon sapagkat alam kong magtatagal ako rito sa Maynila.
Kagabi nga, binalitaan ko si Mama na uuwi kami sa Maestranza. Tuwang-tuwa talaga siya! At lalo pa siyang natuwa noong nalaman niya na kasama ko si Irwin. Ang sabi niya, miss na miss na rin daw niya si Irwin kaya naman hindi mapagsidlan ang galak niya noong nakausap ko siya sa telepono. Maghahanda pa nga raw siya ng aming kakainin pagpunta namin doon. Sinabihan ko nang h’wag nang mag-abala, pero, ang kulit ni Mama. Maghahanda talaga raw siya para sa am
