Chapter 15.1
I Want To Love
Iniimbita ako ni Irwin sa birthday niya sa a-bente. No'ng nalaman ko kay Gretchen na magiging magarbo ang birthday niya, nagdalawang-isip ako kung makakadalo ako. Tingin ko kasi, nakakailang na pumunta roon. Para akong mantsa sa kinang na tinatamasa niya ngayon. Tatanggi na sana ako kay Irwin, kaya lang, pinilit pa rin niya ako. Tinakot nga ako noon, e. Sabi niya, hindi na lang siya magbi-birthday kung wala ako. Wala. Pumayag na rin ako. Kilala ko iyong si Irwin. Kung alam niyang ayaw ko, aayaw rin siya. Kaarawan niya iyon. Dapat ay present siya roon.
Sinilip ko ang laman ng wallet ko. Mukhang mapapagkasya ko pa naman ang allowance ko sa isang buwan. Ang sabi ni Mama, makakapagbenta na siya ng baboy sa darating na linggo kaya mapapadalhan na niya ako.
Tuluy-
