Chapter 17
Alpha and Omega
"Marami ka bang nakuhang related lit?"
Nang balingan ko ang pamilyar na boses na iyon ay sinimangutan ko agad siya. "Wala nga, eh. Pambihira, akala ko, madali lang ang paghahanap ng RRL. Ang hirap din pala. Partida, marami nang libro rito sa library, ha? Pero, iyong studies talaga na kailangan natin, wala," frustrated kong nasabi.
Natawa si Jason nang mahina. "Oo, medyo mahirap naman talaga. 'Di bale, dadaan na lang tayo sa National Library. Do'n, baka mas marami na tayong makuha," matutunugan ang pag-asa sa kaniyang boses.
Nahawa na rin ako. "Sige," maligaya kong tugon.
"Nga pala, Melissa," binalingan ko ulit siya. "Baka mapagastos tayo nang medyo malaki nito. Marami kasi tayong kailangang i-print. Kahit na may mura tayong mahanapan, mapapamahal pa rin tay
