Chapter 103: Pagsisisi ni Hezekiah
LABIS ang kaba ni Denzel nang makita niya ang kanilang sasakyan papuntang America. Tila isa itong malaking ibon na lilipad. Imbes na excitement ang kanyang mararamdaman ay kaba at labis na takot. Kung sa dagat ay nagagawa niyang mabuhay hindi niya alam kung mabubuhay pa siya sa eroplano kung ito babagsak sa lupa. Sobrang daming gumugulo sa kanyang isipan dahilan para mapahigpit ang hawak niya kay Louie at napapansin na ito ng lalaki.
“Talaga bang diyan tayo sasakay? Talaga bang lilipad ‘yan na parang ibon? Hindi ba mapapagod ang pakpak niyan? Parang ang tigas. Hindi yata niyan mapapagaspas ang pakpak,” aniya kay Louie at natawa ang lalaki sa kanyang sinabi.
“Alam kong natatakot ka pero safe naman tayo at huwag kang matakot nandito naman ako at hindi k
