Chapter 29: Kapahamakan
LABIS ang pag-aalala ni Hezekiah dahil magpahanggang ngayon ay hindi pa rin nagri-reply sa kanya si Jonito. Malakas ang kutob niyang mayroong nangyaring masama sa kaibigan. Huwag naman sanang maging huli ang lahat para rito. Kahit buksan niya ang tracer ay hindi ito makita.
“Baka may certain distance requirements ang tracer na inilagay mo kay Kuya Jonito, Kuya Hezekiah. Sobrang lawak nitong Mindanao kung kaya’t napakahirap hanapin ang mga nawawala lalo na kung sinadya talagang dukutin.”
“Hindi ko alam kung ilang distance lang ang sakop ng tracer pero may gps to, e. Kumbaga nagagamit to kahit saan.”
“Hindi kaya nasa lugar ngayon si Kuya Jonito na bina-block ang signal upang walang makatunton? I mean, mga agent tayo at siguro may ideya na ang Skull sa ating mga
