Chapter 54: Ang Pag-amin ng Nararamdaman
DAHIL sa pag-aalalang malasing ang mga lalaki ay hindi na muna natulog si Denzel matapos inuman ang kanyang mga gamot. Hindi na naman masama ang kanyang sugat at maayos na ang kanyang pakiramdam. Nakatambay lang siya sa sala habang nanonood ng telebisyon habang si Hezekiah naman at ang magkapatid na si Jonito at Joshua ay nandoon sa komedor at masayang nag-iinuman. Paminsan-minsan ay tinitingnan niya ang mga ito at maayos naman ang inuman ng tatlo. Minsan nagtatawanan ang mga ito at sobrang saya pa. Natutuwa naman si Denzel habang iniisip na matibay ang pagkakaibigan ng tatlo.
Nasa kalagitnaan siya ng kanyang panonood ng telebisyon nang maranig niya ang kanyang cellphone na nagri-ring mula sa kanyang kwarto. Pinatay niya muna ang telebisyon saka
