TULIRO si Francheska. Turo ng nanay niya na kapag mali ay dapat magbaba ng pride at humingi ng pasensiya sa taong nagawan ng pagkakamali. Ngayon, ano ang gagawin niya? Option number one, pupuntahan niya si Mr. Salcedo sa opisina nito para personal na humingi ng tawad. Kumontra naman ang isang bahagi ng utak niya. Paano niyang gagawin iyon? Baka sa guard pa lang ay hindi na siya makalusot. Idagdag pang nakakahiyang muling humarap sa mga empleyadong nakakita ng mga ginawa niyang kapalpakan sa tanggapang iyon.
Muli siyang nag–isip. Option number two, pupuntahan niya si Blessy at pakikiusapan ito na samahan siya sa pinapasukan ni Nana Aning para doon na lamang kausapin ang lalaki. Pero agad rin niyang isinantabi ang hakbang na iyon dahil katatawag lang ni Blessy at
