CHAPTER 12
Halo
I tried to convince myself that everything was fine, that it was nothing to me if ever Trick would not talk to me anymore.
Para lang din naman akong babalik sa dati kong nakasanayan na walang kaibigan sa school kahit isa, kung walang Trick na manggugulo sa akin araw-araw, ‘di ba? Dapat, masaya ako dahil matatahimik na ang buhay ko sa Arquero University.
Kaso, depungal! Kahit ilang beses kong punuin ng mga ganoong ideya ang isip ko, hindi ko pa rin talaga maiwasang mapatanong kung bakit.
Ang gulo-gulo ng lahat sa isip ko! Bakit naman kasi kailangang umiwas pa? Ano’ng nagawa ko? Alam kong ako ang bumaril sa sinasakyan nina Preyton kaya nabangga ang van kung nasaan si Law pero para din naman ‘yon sa kanya, para hindi siya tuluyang mailayo ni Preyton. Kaya baki
