Nang dumating na si Mr. Emmanuel ay tinulungan niya na ‘ko na kumbinsihin si Mama na pumunta ng ospital. Napabuntong-hininga na lang ako nang matunghayan pa ang pagyakap ni Mama sa lalaki. Nagkatinginan na lamang kami ni Mr. Emmanuel, hinayaan ko na siyang samahan si Mama.
Hindi na ‘ko sumama sa kanila dahil nagwawala lang si Mama, natatakot na siya sa ‘kin. Kaya ako na lang ang nanatili sa bahay nang pansamantala hangga’t hindi pa nakakauwi si Mama. Paniguradong magtatagal pa siya roon o baka ilipat na siya sa private mental hospital kapag napatunayan na may problema nga siya sa pag-iisip.
Mabuti na lang ay nandito na si Ate Jenny, pinabalik na siya ni Mr. Emmanuel para hindi maiwan ang mga kapatid ko rito sa bahay.
Nalaman ko na lang din na kung hindi dahil kay Ate Jenny ay madadam
