Kasalukuyan silang naghihintay kay Shania sa mismong lugar kung saan nila sinurpresa ang babae noon. Mag-aalas nuebe na ng gabi ngunit hanggang ngayon ay wala pa rin ang babae. Halos minu-minuto ay tinatawagan ni Ivo ang number ng kaniyang asawa ngunit nakapatay lang ang cellphone ng babae.
Huminga siya ng malalim at napalingon kay Manang na-disappointed din dahil hanggang ngayon ay hindi pa rin umuuwi ang babae sa mansion. Sigurado siyang nakay Bryan iyon dahil saan pa naman ito mamalagi kung 'di sa kalaguyo nito at nakita pa niya sila sa Mall na magkasama. Sobrang na-gui-guilty na siya sa lalaki. Gusto niyang sabihin ang lahat kay Ivo subalit paano? Baka hindi pa siya nito paniwalaan dahil kitang-kita naman ang pagmamahal ni Ivo sa bababe na kahit anong gawin nito ay okay lang kay Ivo.
