Isang linggo ang lumipas simula ng maayos ang fake news na iyon sa buhay ni Andrei. Nalaman niyang ginamit lang pala siya ng modelo para galitin ang totoong karelasyon nito na siyang nakabuntis dito.
At ngayon nga, iniisip niya kung paano siya muling haharap sa dalagang doktorang si Abegail.
Sa isang linggo kasing lumipas, hindi niya nagawang magpakita rito hangga't hindi niya naaayos ang masamang balita sa kaniya.
Pati tuloy grandma niya muntik ng mapaniwala at atakihin sa puso dahil sa kasinungalingan ng modelong iyon.
Lalo siyang nangangamba dahil kumalat sa iba't-ibang news ang pagiging womanizer niya. Kung noon wala siyang pakialam sa mga nilalabas ng mga reporter tungkol sa pagiging babaero niya, ngayon halos lahat pinapasara niya ang mga kompanyang ginagawan siya ng bad news.
