“Party’s over. Everyone, thanks for coming, and I hope you had a wonderful day.”
Hindi ko na nagawang magpaalam pa sa mga bisita dahil agad akong tumalikod at pinuntahan sina Papa. Inaya ko ang mga ito na magtungo na sa hotel suite nila at kahit gustong magpaalam ni Papa kay Clyden ay hindi na nito nagawa dahil sa pagmamadali ko. Karga-karga si Harmony ay lumabas kami ng event hall at naglakad patungo sa elevator.
“Iyon ba ang pamilya ni Clyden, anak?” tanong ni Papa nang makasakay kami sa elevator. Tumango naman ako dito bilang tugon saka huminga ng malalim. Naramdaman ko ang pag-vibrate ng cellphone ko mula sa bulsa ngunit hindi ko iyon pinansin dahil alam kong si Clyden iyon.
“Bakit umalis tayo agad? Hindi mo man lang kami pinakilala,” dinig kong wika ng panganay kong kap
