Acutus' POV
"Hanggang kailan mo balak na magtago at magmukmok dito?" tanong ni Vis sa akin. "Marahil ay hinahanap na tayo nila Immitis. Malamang ay nag-aalala na ang mga iyon."
"Hindi ko pa sila kayang harapin sa ngayon. Hindi ko alam kung anong mukhang ihaharap ko sa kanila. Panigurado ako na nakarating na ang balitang ako ang siyang may kagagawan ng lahat ng nangyaring iyon sa bayan ng Pax," tugon ko sa kaniya. Hindi sa ayaw ko silang makita. Gusto ko lang sa ngayon ay makapag-isip. Hindi pa ako handang sagutin ang lahat ng itatanong nila sa akin. Mas lalong hindi ko alam kung matatanggap pa nila ako pagkatapos ng lahat ng iyon. Hindi ko naman ginustong manakit. Hindi ko ginustong pumaslang at sumira ng isang tahimik na bayan. Kung kontrolado ko lang ang lahat nang mga oras na iyon ay
