“Sa kaniya nanggaling ang mga ‘to, kaya paano mo sasabihin sa akin na siya pa ang nagnakaw?!”
Maitim ang tingin ni Austin habang nakatayo sa harapan ni Manang Fe. Malalim ang kanyang boses, puno ng galit at poot.
Halos mapaurong si Manang Fe sa tindi ng tensyon na nararamdaman niya. Nanginginig ang kanyang katawan, at halos hindi na niya maibuka ang kanyang bibig. “Sir, hindi ko po talaga alam.” Nanginginig ang kanyang mga labi, at bumibigat ang kanyang dibdib sa kaba.
“Ikaw ba ang nagnakaw ng mga ‘to? Umamin ka na!” Sigaw ni Austin, sabay hampas sa mesa.
Ang alahas at mga cufflinks ay nakakalat sa ibabaw ng mesa, isang patunay ng kanyang galit at panlilinlang na naramdaman.
“Get out, now!”
Halos napasigaw si Manang Fe sa lakas ng tinig ng kanyang boss. Agad niyang kinuha ang k
