Ceres POV
Pinakalma ko ang sarili ko at pinanormal, humarap ako kay ninong at pilit ang ngiti na pinaskil sa labi ko, kahit pa nagsisimula na naman mangatog ang tuhod ko ngayon.
"B-bakit po, ninong?"
Mahinang tanong ko.
"Pumunta ka ba ng office kanina?"
Dinambol ang dibdib ko sa tanong niya, nahihirapan akong salubingin ang mga mata niyang matalim ang titig sa akin at wala man lang emosyon na ipinakita.
Nalamukos ko ang laylayan ng aking damit habang tinatansya ang sasabihin ko, pilit akong ngumiti at tumitig sa kanya.
"O-opo, g-gusto ko lang po kasi na..d-dalhan kayo ng pananghalian, pero..."
Napatigil ako at napalunok, napa iwas ako ng tingin at napakurap ng ilang beses para pigilan ang nagbabadya kong luha.
"Pero..n-natapon ko po y-yung pagkain..k-kaya hindi na po ako t-tumulo
