Jhonalyn's Point of View
"MA'AM Jhonalyn?" Napabaling ang tingin ko nang may kumatok sa pintuan ko. Nakiilala ko agad ang boses ng sekretarya ko. "Come in, Dhalia,"
"Ma'am, may naghahanap po sa inyo."
Nag-angat ako ng tingin dahil sa sinabi niya.
"Sino?"
"Kwek-kwek daw po pangalan. Long lost friend n’yo daw po." Napamura ako nang marinig ko ang sinabi ni Dhalia.
Napataas ang isang kilay ko nang biglang may dumungaw sa pintuan. "Kiffy!" Impit na sigaw nito at tuluyan nang pumasok.
"Tang/nang kwek-kwek ka! Anong ginagawa mo dito?" Garagal kong tanong. Itong babaeng 'to ang isa sa mga naging matalik kong kaibigan noong kolehiyo, bukod kina Carlyn at Rhea.
Kwek-kwek ang tawag ko sa kanya dahil mahilig s’ya sa kwek-kwek lalo na noon kapag napapadaan kami sa mga street food. Zamantha an
