TAMING THE DEVIL BILLIONAIRE
KABANATA 79
ANG GUILT
DIANNE STEPHANIE’S POINT OF VIEW.
ANG SAYA ng pakiramdam ko na may alagang pusa na rin ako sa wakas. Noong huli kong nagkaroon ng alaga na pusa ay high school pa lang ako at si Sana iyon. Mabilis lang kinuha si Sana sa akin dahil nasagasaan ito ng sasakyan ng makatakas ito sa bahay namin. Ang sakit ng pakiramdam ko nun at hindi ko matanggap na nawala na ang alaga kong pusa. Sinubukan ko na humingi ulit ng alagang pusa sa mga magulang ko dahil sila ang nagbigay kay Sana sa akin, kaso hindi na sila pumayag pa na mag-alaga ulit ako ng pusa kaya sobra akong nalungkot.
Kaya ngayon ay sobrang saya ko na pusa ang regalo ni Ambrose sa akin. Ang sarap sa pakiramdam at parang bumalik iyong pakiramdam ko na una akong nagkaroon ng alagang pusa.
