Eksakto namang narinig ng lahat ang anunsyo ng isang staff sa mikropono.
“Mga kabaranggay, dumating na po ang ating mga kagalang-galang na bisita… si Mayor, si Governor, at si Congressman!”
Mabilis na nagsipagpalakpakan ang mga tao. Ngunit si Aleyah, nang umangat ang kanyang tingin, parang binuhusan ng malamig na tubig.
Doon, sa kabilang gilid ng entablado, nakatayo sina Uno at Dos.
Parang tumigil ang paligid. Ang tunog ng banda, ang ingay ng mga tao, pati ang sigawan ng mga bata—lahat iyon ay parang lumabo sa pandinig ni Aleyah. Ang malinaw lang sa kanya ay ang iisang mukha ng magkapatid.
Si Uno, nakasuot ng mamahaling barong, seryoso ang mukha. Pero ang mga mata niya—nakatitig diretso sa kanya, mabigat, at dahan-dahang bumaba sa baywang niya… eksaktong nakahawak doon ang kamay ng m
