Nakatayo ako sa harap ng altar, ramdam ang butil-butil na pawis sa aking noo kahit malamig ang air conditioning ng simbahan. Sa labas, rinig ko ang mahihinang pag-uusap ng mga bisita, ang kalansing ng mga kubyertos sa reception hall, at ang mahihinang pagtikhim ng mga taong nag-aabang sa pagsisimula ng seremonya.
Nilingon ko ang paligid. Ang buong simbahan ay puno ng magagarang dekorasyon—puting bulaklak na naka-arkong palamuti sa bawat upuan, mga kandilang may gintong laso na nagbibigay ng romantikong liwanag, at isang red carpet na diretsong dumadaan sa gitna ng aisle patungo sa altar.
Nasa harapan ko si Father, abala sa pag-aayos ng kanyang bibliya, habang sa gilid naman ay ang best man kong si Ares, na mukhang nagpipigil ng tawa habang pinapanood akong hindi mapakali.
"Damn, b
