Nakatingala kami ngayon sa kalangitan. Nasa labas kami ng bahay niya. Sa tree house niya kasi naisipang matulog. Kaya naglatag siya ng isang tela sa damuhan para manood daw muna kami sa mga bituin.
Lumingon ako sa kaniya nang maramdaman ko ang titig niya sa akin. Hindi nga ako nagkamali kasi nakita ko ang titig niya sa akin dahil hindi naman siya umiwas sa tingin ko.
"Bakit?" tanong ko. Hinawakan ko pa ang mukha ko baka sakaling may dumi kaya siya titig na titig doon. Hinintay ko rin na magsalita siya pero umiling lang siya at ngumiti.
Hindi ko alam kung ano ang nangyayari sa kaniya kaya pinabayaan ko na lang siya. Napahiyaw ako nang makakita ng isang falling star. Agad akong napapikit para humiling. Iyon kasi ang sabi ng iba.
Na kapag nakakita ka ng isang falling star ay dapat kang hu
