Habang lumalalim ang gabi ay medyo nababawasan na rin ang mga taong nandito. Kalong ni Jaenn si Jay dahil tulog na ito. Kukunin ko sana si Jay kanina kaya lang ay ayaw ibigay ni Jaenn.
"Oh iha! Tulog na pala si Jay. You can leave already, wala naman ng masyadong bisita," sabi sa akin ni Mama nang makita ang anak kong tulog na sa kandongan ng ama.
Kanina ko pa naman gustong umalis na kaya lang ay ayaw ibigay sa akin ni Jaenn si Jay. Kaya malamang sa malamang ay siya ang maghahatid kay Jay sa kwarto namin.
Wala na akong nagawa at tumayo na lang. Hindi ko na kailangan pang sabihan si Jaenn kasi tumayo na rin ito. Nauna na lang ako sa kaniyang maglakad.
Nang nasa hagdan na ay alam kong may makikita siya pero mabuti na lang at wala akong narinig na sinabi niya. "Ilagay mo na lang sa kama, p
