SABRINA
"I like you, Sab!" Biglang namungay ang mga mata niyang nakatingin sa akin. Bumilis naman ang tibók ng puso ko. Seryoso siyang nakatingin sa akin habang sinasabi ang salitang iyon at ramdam ng puso ko.
Ngumiti siya habang hinahaplos ang pisngi ko. Namungay ang mga mata ko sa saya. Sinabi niyang gusto niya ako at gustong gusto ko rin siya. Kahit ganito ako, kahit magkaiba ang estado namin sa buhay ay gusto niya ako. Akma akong magsasalita nang may kumatok sa pinto.
"Sir, may tao!" Saad ko at bumitaw sa pagkakayakap sa kanya. Umalis naman siya sa harap ko at binuksan ang pinto.
"Dad, Mom!" Narinig kong sabi niya hanggang bumungad sa pinto ang mga magulang niya. May kasama rin silang isang babae at isang lalake na kilala kong mga board member ng hotel. Mabuti na lang ay natapos
