Maaga akong umalis sa unit ni Carlo at nagtungo agad ako sa maintenance room para mag-umpisa na sa aking trabaho. Nag-message ako sa mga unit owners na kung pwede ay umaga ako maglinis ngayong araw na ito at pumayag naman sila. Tanghali ng natapos kong linisan ang lahat ng apat na units at dumating na rin agad si Mira para mag-umpisa na rin ng duty nya.
“Sis, ok ka na? Magaling ka na ba?” nag-aalalang tanong ko.
“Oo sis, ok na ako. Tsaka ilang araw na rin akong absent,” sagot nya.
“Hinay-hinay lang sa trabaho ha at baka mabinat ka, di ka ulit makapasok nyan,” paalala ko.
“Mababait ang mga taga-rito kaya di siguro nila papabawi ang mga na-absent ko na ilang araw ng linis. Kaya ok lang na umabsent ulit. Ano palang nangyari sa ‘yo kahapon? Ang lakas ng ulan at di ka umuwi. Saan ka nagstay
