Nagising ako ng madaling araw at sinilip ko agad ang aking phone. Wala paring text mula kay Carlo. Tiningnan ko ang sss niya ngunit walang post. Sinilip ko rin ang kay Drew at ang kay Marco. May nabasa akong post ni Marco na tungkol sa trials sa buhay.
“Oh my, ano kayang nangyari,” sambit ko sa aking sarili.
Ayokong magpakita na concern ako kaya tiniis kong hindi mag-usisa at pinilit ko na lang na matulog muli. Kinaumagahan ay sinilip ko muli ang aking phone ngunit wala pa ring balita mula kay Carlo. Hindi na ako mapakali kaya’t tinext ko na lang si Marco para magtanong.
ARMIE: May problema ba sa work ninyo? direkta kong tanong.
MARCO: Wala. Bakit mo naitanong?
ARMIE: Nagmamadali kasi si Carlo na umalis kahapon at parang nag-aalala ang itsura.
MARCO: Hwag mo na kaming alalahanin pero
