Naupo sila sa isang sulok ng restaurant at mukhang problemado ang mukha ni Mitch kaya na curious ako lalo. Sa palagay ko ay mukhang mahirap din ang pinagdadaanan niya. Nabuntis siya na wala man lamang sumusuportang asawa o nobyo sa kanya. Kasalanan nya na nakipagsiping siya sa isang lalaking di naman siya mahal pero naiintindihan ko ang kalagayan niya ngayon.
Umupo ako sa may bandang likuran nila. Hindi nila ako napansin dahil na rin sa sobrang seryoso ng kanilang pinag-uusapan.
“Anong gagawin mo ngayon? Alam na ba yan ng papa mo?” tanong ni Ana.
“Hindi. Magagalit siya panigurado. Itatakwil ako non dahil noon pa ay pinagbawalan na niya ako,” sagot ni Mitch na mukhang alalang-alala at problemado sa buhay niya
“Na ano?” usisa pa ni Ana.
“Na makipagkita sa nobyo ko. Ayaw nya doon kasi wa
