Narinig ko pa ang boses ng isang lalaki na parang may kausap. Hindi ko lang pinansin dahil baka kapitbahay lang iyon at ayoko nang umasa muli.
“Kasya ba?” sabi ng isang lalaki.
“Yes boss kasya naman,” sagot pa ng isa.
“Mukhang may biniling bagong appliances ha. Ano kaya ‘yon?” tanong ni Mama na gustong mag-usisa rin.
“Oo nga, Ma. Silipin natin kung kanino yun.”
Na-curious kami kaya dumungaw kami ni Mama sa aming bintana. Nakita kong paakyat ang apat na lalaki sa aming hagdan na may bitbit na malaking frame ng kama at foam na makapal.
“Hoy,” tanging nasabi ko dahil sa gulat sa nakita ko at napatingin ako kay Carlo.
Kinindatan lang ako ng loko na balak na talaga yatang magtabi na kami sa pagtulog.
“San po ilalagay sir?” tanong ng isang lalaki.
“Dyan sa unang pinto,” sagot ni Carlo
