Reon’s POV
Nung maramdaman kong sobrang nagtampo si Santana nung hindi ako pumunta ng opening ng business niya, gumawa naman ako ng paraan para bumawi. Pag-alis ko sa resort niya, naisip kong dumaan sa isang bukas ng cake shop niya. Pinili ko ‘yung walang tao. Nang makita ako ng mga staff doon, agad nila akong pinagkaguluhan.
“Si Reon oh.”
“Uy, pa-picture tayo.”
“Ang guwapo ni Sir.”
“Hala, nakakatuwa, siya naman ata ang magba-vlog dito.”
Pinagbigyan ko sila ng picture, pagkatapos kinausap ko sila na kailangan kong mag-vlog kaya binigyan na nila ako ng privacy. Habang dala-dala ang camera, nagsimula na akong mag-vlog. Nag-umpisa ako sa labas, pinakita ko ang pangalan ng cake shop niya at ang magandang design ng mga upuan at lamesa. Sa mga vlogger na napanuod ko, parang wala pa kasing
