JAKE’S POV
SOBRANG SAYA KO! Sa wakas ay pumayag na si Erina na ligawan ko siya ngunit kailangan ko pa rin pormal na magpaalam sa Mommy at Daddy niya. Eighteen years old pa lang ako pero alam ko na sii Erina na ang babaeng nais kong makasama sa habang buhay. Kasakiman man isipin na gusto ko na siya agad maging girlfriend pero magsisinungaling ako sa sarili kung hindi ko aaminin.
“Jake? Ikaw na ba iyan?” narinig kong tanong ni Tita Marissa. Nakarating na pala ako ng bahay ng hindi ko namamalayan.
“Opo Tita. Mano po?”
“Natagalan ka yata?”
“Eh, nahiritan po ako ng libre ni Myra kaya kumain muna kami sa ihawan.”sagot ko.
“Iyon lang ba ang dahilan?” may halong pang-aasar na sabi ni Tita.
“Ah, eh –“
“Dahil kay Erina no?” nakangiti nitong sabi. Napakagat ako sa labi. “Asus, binata na tala
