Angelo Cervantes
Nabaling ang tingin naming lahat sa gawi ng hagdan nang marinig namin ang tunog na nanggagaling sa isang cellphone.
Nakita namin si Tanya na gulat habang nakatitig sa cellphone niya.
"Sino 'yan, Tanya?" ani ni Tito Rodrigo.
Nag-angat siya ng tingin at nakita ko sa mga mata niya ang pagkabahala.
"Tauhan ko sa shop, Papz. Mangungumusta ata 'to sa nangyari. Sige Papz, sasagutin ko muna 'to." aniya saka nagmamadaling bumalik sa taas.
Malakas ang kutob ko na nagsisinungaling si Tanya.
At aalamin ko ang katotohanan.
"Tito Rodrigo, pwede ko po bang sundan si Tanya? Nag-aalala na po ako sa kanya."
Hindi ko na sinabi ang mga napapansin ko kay Tanya. Ayoko ng punan pa ang nararamdaman ni Tito Rodrigo ngayon.
"Sige puntahan mo na 'yun." ani ni Tito Rodrigo.
Tahimik kong
