Ang kanyang tunay na pagkatao ay nabura sa kanyang isipan, nagkamalay siyang walang anumang maalala tungkol sa kanyang tunay na pangalan at pinagmulan. Ngunit sa tulong ng isang Police Detective na si Toberto 'Toby' Ibarra ay mabibigyan siya nito ng bagong pangalan at pagkakakilanlan sa katauhan ni Kai Ibarra. Pansamantala itong mamumuhay bilang si Kai Ibarra, habang ipinagpapatuloy niya ang pagtuklas at paghahanap sa tila nawawala nitong pagkatao... Subalit, magawa niya kayang tanggapin ang katotohanan sa likod ng kanyang tunay na pagkakakilanlan at pinagmulan, sa sandaling ito ay kanya nang matagpuan?..

Nilisan ng dungan (kaluluwa) ni Shai Mendoza ang katawan ni Haleya sa panahong 15th century upang magbalik sa kanyang tunay na panahon sa 21st century. Subalit sa kanyang paglisan ay siya ring pagbabalik ng dungan (kaluluwa) ng tunay na Haleya sa kanyang katawan na namumuhay sa kanyang panahon sa 15th century. At sa kanyang pagbabalik ay bubungad sa kanya ang hindi niya inaasahang pagbabago ng kanyang kapalaran na idinulot ng kanyang reincarnated soul na si Shai Mendoza. NOTE: HARA HALEYA is the sequel of HALEYA: The Rajah's daughter, so I advise you to read the Book 1 first before you proceed to read this one so that you can better understand this sequel. Thank you ♡

Sa pamamagitan ng isang mahiwagang past-life regression ay hindi sinasadyang makabalik ng literal si Shai Mendoza sa kanyang past life bilang si Haleya. Si Haleya ay isang binukot na anak ng isang makapangyarihang Raha. Makabalik pa kaya si Shai sa kanyang tunay na buhay at kasalukuyang panahon sa 21st century? O mananatili na lamang siya sa kanyang nakaraang buhay at panahon sa 15th century kung saan nakatagpo siya ng wagas na pag-ibig.

Si Maria Jelaica Floresca ay isang simpleng probinsyana na may hindi pangkaraniwang kakayahan. Ito ay ang makakita ng mga multo at makausap ang mga ito. Lumuwas siya ng maynila upang magtrabaho bilang kasambahay sa isang mansyon, kung saan makikilala niya ang isang multo at ang kapatid nito, na siyang magbibigay daan upang maungkat niya ang nalimot niyang pagkatao.