الاول

3209 Words
في احد البنايات التي ستبدا فيها روايتنا ارتدي ملابسه و خرج من شقته صباحا في نفس الوقت خرجت جارته ريهام (١٩ عام فتاه هادئه رقيقه و ملامحها جميله ) : صباح الخير فريد ابتسم لها : صباح النور با بشمهندسه رايحه فين بدري كده ؟ ريهام: عندي كورس اللي قولتلك عليه امبارح فريد: تمام متنسيش ميعادنا احنا بقا بليل فاهمه ريهام: لا فاكره متقلقش مبقدرش انسي مواعيدك فريد: طيب تعالي أوصلك في طريقي متمشيش لوحدك ريهام: مش هأخرك يعني ؟ فريد: مجتش من خمس دقايق يلا بس و نزلت معه لسيارته و جلست بجانبه بدات هي الحديث : فريد احنا هنبيع البرنامج ده امتي ؟ فريد: بفكر مبعش المره دي ريهام : امال هتعمل ايه ؟ هتنزله ب اسمك و لا ايه فريد : و ايه المشكله يعني ريهام : انت عارف اني نفسي في كده بس هينزل و يتسرق يا فريد رائي تبيعه ع الاقل تبقي استافدت بالفلوس فريد : انا مأجله ده كله عشان اخليه مستحيل يتسرق مش صعب بس و معنديش مشكله أاجله تاني لان فعلا البرنامج مهم و هيتطلب و هيفرق معايا جدا ريهام : برضو فكر تاني ممكن فريد : في الموضوع ده انا حسمت امري خلاص و برضو انا مش محتاج الفلوس دلوقتي يبقي ليه استعجل ريهام: دماغك ناشفه اوي انت بعد دقائق نزلت هي للكورس و دقيقتين و دخلت فتاه اخري لسيارته ابتسم لها بحب : وحشتيني مني بادلته الابتسامه: بكاش اوي ما احنا كنا مع بعض امبارح فريد: هو لازم تفوت مده عشان توحشيني انا لو عليا مش عايزك تبعدي عني دقيقه حتي يا مني مني بتركيز : استني بس كده في ريحه برفيوم حريمي! فريد استنشق الهواء : مش شامم مني : فريد متستهبلش ريحه مين دي فريد: والله ما بستهبل انا فعلا مش شامم بس ريهام كنت بوصلها للكورس بتاعها يمكن ريحتها هي ! مني بعصبيه نوعا ما : تاني ! ريهام تاني يا فريد!!! فريد: اعمل ايه يا مني بتحرج اسيبها و انا و هي نازلين ف نفس الوقت مني : و احساسي يا فريد مش مهم عندك يعني ؟ فريد: يا مني انا بحبك مش شايف غيرك والله و كمان ريهام اختي الصغيره مني: بس كل الناس عارفه انها مش شيفاك اخوها الكبير و انت عارف كده كويس فريد: دي مشكلتها بقا مش مشكلتي ! المهم مين اللي بحبها و اختارتها و عايزها تكمل معايا لاخر العمر مني : طيب يا فريد فريد: لا عشان خاططططري بلاش نكد يعني بقولك وحشتيني تعملي كده؟ مني : انا اساسا متضايقه فريد: كنت حاسس مالك بقا في ايه ؟ مني : في عريس و بابا موافق جدا و هيجي بعد يومين هو و اهله فريد : خلاص اجيلك بليل انا و اهلي و اكيد ابوكي هيوافق مني: قولتلك كتير مينفعش كل العرسان اللي بيتقدمولي جاهزين انت هتيجي تقول لبابا ايه! معنديش شقه و عندي شغل ع**ط! مينفعش يا فريد فريد: انا شغلي ع**ط؟ مني : بالنسبه للي متقدم ايوه يا فريد ده محاسب في بنك قد الدنيا و عنده شقه ٣ اوض و حمامين فريد: انتي مقتنعه و لا ايه يت مني مني : لا طبعا انا لو مقتنعه هكون معاك ليه دلوقتي ؟ فريد: و الحل مني: زي كل مره هطلع فيه القطط الفطسانه لحد ما الحال يتعدل و حضرتك ينفع تتقدملي بحلم باليوم ده اوي يا فريد و اكون خطيبتك و مراتك قدام كل الناس فريد: يا مسهل يارب يا مني ادعي مني: لو وصلت ريهام تاني هزعل انا هعديها المره دي بمزاجي فريد: طيب ممكن اقول كومنت و لا البوز هيتضرب مني ضحكت: لا قول مش هبوز فريد: خفي ميكب و لمي شعرك و انتي رايحه الجامعه انتي مش رايحه فرح مني: حاضر هاخد بالي بعد كده فريد: انتي اساسا مش محتاجه ميكب و انتي عارفه كده و دي مش اول مره انبه عليكي في الموضوع ده مني : حاضر حاضر انا معترضتش انت رايح فين بعد ما توصلني فريد: هقابل اسلام و بعدين هروح علي الشغل مني : تمام فريد: اجي اروحك؟ مني. : لا انا هتعامل بقا عشان معرفش هخلص أمتي النهارده فريد: طيب ابقي كلميني عشان لو قريب منك اجيلك مني.: حاضر يا قلبي ثم مسكت شنطتها : ياااربي فريد: في ايه؟ مني : نسيت اخد فلوس و انا نازله فريد: خضتيني افتكرت في مصيبه عايزه كام مني.: لا طبعا مش هاخد منك حاجه فريد: مني اخلصي لازم يبقي معاكي فلوس عشان تروحي او لو احتاجتي حاجه مني: انا كمان كنت هشتري كتابين فريد: يكفيكي كام طيب. مني: انا هاخد من صحبتي يا سيدي هتعامل ملكض دعوه انت فريد: الف حلو؟ مني: كويس امشي نفسي بيه النهارده اوصلها و اخرج المال و اعطاها لها هي قبلته بسعاده في خده سريعا: ربنا يخليك ليا يارب يا اجدع فريد فريد: خلي بالك من نفسك و اختفت ابتسامته بعدما هي ابتعدت عن نظره و بعد مرور الوقت توقف امام احد الكافيهات ليقابل صديق طفولته اسلام اسلام: ما لسه بدري يا كابتن فريد: مش لازم محاضره كل مره اسلام: طبعا ست مني اللي اخرتك فريد: قولتلك مبحبش حد يتكلم عليها اسلام: ماشي هات الفلوس عشان اتاخرت بسببك فريد: بقولك معاك الف زياده! اسلام: اه ليه فريد: خد الفلوس اهي زود عليهم الف و هديهملك لما اقابلك تاني اسلام: حصل حاجه و لا ايه فهمني ما لحد بليل كانت الدنيا تمام فريد: احتاجتهم دلوقتي في حاجه اسلام بفراغ صبر : بالله عليك هي اللي خدتهم منك صح؟ فريد: نازله من غير فلوس اسيبها لو حصلها ظرف متعرفش تتصرف يعني اسلام: والله البت دي بتستغلك يخربيت مرايه الحب اللي عمياك دي فريد: عمرها ما استغلتني يا اسلام اكيد كنت هحس اسلام: ايوه طبعا ! باماره تعالي نجيب هديه لصحبتي اوبس ده انا نسيت الڤيزا و بتشتري لبس ايه ده فلوسي مش مكمله و دلوقتي نسيت فلوسي فريد: انا هقوم رايح شغلي اسلام: و انا كمان لو احتجت حاجه كلمني يا صاحبي فريد: بس ياقفيل انت فاهمها غلط دي كلها صدف مش أكتر اسلام: الايام بينا يا حبيبي فريد تركه و ذهب لاحد شركات البرمجه التي يعمل فيها دون ان يحبها لكنه مضطر الي ذلك بعد مرور الوقت عاد من عمله للمنزل كانت والدته سعاد تجلس مع سناء والده ريهام سعاد: استني يا فريد تتغدا قبل ما تدخل الجحر بتاعك اللي هيجننك ده فريد : انا كلت في الشغل لما ريما تيجي قوليلي عشان اقعد معاها شويه وحشاني سعاد : قربت تيجي هي عشان تبقي عارف و متتعمقش في شغلك سناء: الكمبيوتر ده هيجننهم هما الاتنين سعاد : ما انتي شطارتك تلحقي ريهام و هي في الاول كده متخليهاش توصل لنفس مرحلته دي سناء: لا ما هي بقت زيه ايام الاجازه بتدخل الاوضه مبتخرجش منها غير دقايق المهم هو قالك حاجه وو لا لسه سعاد: سناء انتي عارفه ريهام بنتي بس هو شكل الموضوع مش في دماغه مبشوفهوش بيكلم حد خالص انتي بقا متخليهاش تتعلق بيه عشام العمر مي**قهاش كده سناء: ازاي بس و هما مع بعض معظم الواد يا سعاد ! سعاد: ما تشوفيلها واحد متريش كده من الناس اللي بتشوفيهم دول يا ست انتي خليكي ناصحه سناء : احنا فين و هما فين يا سعاد مش عيزاها تبص لفوق عشان متتعبش او حد يستغلها سعاد: ليه دي البت فلقه قمر و ادب و اخلاق. مين يرفضها !! سناء: الكلام ده ميفرقش عندهم ثم تن*دت بتعب : انا هقوم بقا عشان اروح الشغل و خلي بالك منها عشان هرجع متأخر النهارده سعاد: متقلقيش دي في عيني بعد قليل جاءت ريما اخته الصغيره من الجامعه سعاد: ريما روحي نادي لريهام تيجي تتغدا معانا بدل ما هي قاعده لوحدها كده ريما : حاضر يا مامي سعاد: قلب امك يا مايصه انتي عايشه في دنيا لوحدك و دقائق و اتت هي و ريهام معا سعاد: اوعي تكوني كلتي ريهام: لا انا جعانه بصراحه جدا سعاد: طب يلا ساعدوني ننقل الاكل ع السفره ريما: لا انا رايحه لفريد تسلم عليه ريهام: انا هساعدك يا طنط بعد مرور الوقت كانو الاربعه يتناولون الغداء ريهام: والله يا طنط حضرتك مفروض تفتحي مطعم سعاد: مش للدرجه دي يا بكاشه ريهام: ما تقولولها يا جماعه دي مش مصدقاني فريد: لا معاها حق انا دايما باكل أكلك كأني اول مره ادوقه يا سوسو سعاد: بالهنا و الشفا يا حبايبي فريد: هي الامتحانات هتبدا امتي ريما : انا بعد اسبوعين ريهام: و انا زيها فريد نظر ل ريهام: تاخدي اجازه عايزك تفضي نفسك تماما مفهوم ريهام: و هو كذلك انا برضو عندي افكار حلوه شاغله تفكيري عايزه اناقشك فيها و يارب تعجبك سعاد : يوووه دول هيفتحو كلام و مش هيخلصو ريما : سيبك منهم يا مامي سعاد : ايوه ركزي انتي في الاكل يا قلب مامي و انتي مش باين عليكي حاجه كده ريما : فرنساوي انا سعاد : معرفش انتي طالعه مايصه لمين ريما بتذكر: صح مش طنط هويدا قابلتني بتعزمني ع خطوبه مني فريد قطع كلامه مع ريهام و نظر لريما بصدمه : انتي قولتي ايه ياريما ؟ ريما باستغراب : مني البت الرخمه دي خطوبتها اخر الاسبوع مامتها عزمتني سعاد: و هي تعزمك انتي ليه امال انا فين مفروض تكلمني انا ريما : ما هي قالتلي هتجيلك عشان تعزمك بس اناتت ن و رن جرس الباب فقطعت كلامها ريما: هي دي تقريبا طتط هويدا سعاد: خليكو كملو اكل انا هفتح و لم تشعر ريما او سعاد بتغير فريد بل ريهام فقط التي كانت تعلم بعلاقتهم لانها رأتهم اكثر من مره معا سعاد بترحاب : اهلا با هويدا اتفضلي يااا حبيبتي هويدا : ربنا يكرمك يا سعاد معنديش وقت بس جيت اعزمك ع خطوبه مني بنتي يوم الخميس ان شاء الله في قاعه @@@@ سعاد: ما شاء الله اتخبطت لحد نعرفه و لا ايه ؟ هويدا : معيد عندها في الكليه ابن حلال يا سعاد جه و قرا فاتحه من فتره قولي شهرين قولنا يتعرفو عشان لو محصلش نصيب بس اهو ربنا كرم و هيكملو مع بعض سعاد: ما شاء الله يا هويدا ربنا يتمملها بخير يارب و يفرحك بيها هويدا : عقبال ما تفرحي بريما و البمشهندس يارب هستناكو اوعو متجزش سعاد: لا طبعا مينفعش اكيد هنيجي دي بنتنا و ودعتها هويدا و ذهبت ريما باستغراب : فريد مالك انت تعبان و لا في ايه ؟ فريد بصوت مكتوم: انا داخل جوه شويه يا ريما محدش يجيلي و اول ما دخل لغرفته سمح لدموعه بالنزول او بالاصح دموعه نزلت رغما عنه و شعر بسكين غرز في قلبه ليقسمه نصفين و مسك هاتفه اتصل بها عده مرات لكن بلا اجابه و ارسل لها رسائل كثيره لتعاود الاتصال به سعاد باستغراب : هو فربد لحق يدخل هو كل ؟ ريما : شكله اتضايق فجاءه و قام او تعب و جاله صداع مش عارفه ريهام بتدخل : في حاجه في البرنامج بتاعه شغلاه لو وقفت هيبقي ضيع مجهود السنين اللي فاتت كلها سعاد: ربنا يوفقه و يسهله الصعب حبيبي يارب ريهام : انا همشي و لو هو احتاجني هيكلمني اما مساءا ذهب للچيم كعادته و قابل اسلام صديق طفولته اسلام : شكلك باين انك عرفت صح؟ فريد حدثه بضيق : يعني الموضوع بجد ؟ انا مستني اي حاجه تحصل تقول ان في حاجه غلط ما هو ده مش طبيعي مفيش انسانه كده اسلام: الموضوع قديم يا. فريد الخطوبه دي تحصيل حاصل هما قاريين فاتحه من شهور امها قالت كده فريد: امال كانت بتكلمني ليه و عملالي البحر طحينه ! اسلام: استغلاليه عشان عارفه انها لو طلبت نجمه من السما هتجيبهالها يا فريد و انا حذرتك منها فريد : ازاي تعمل فيا كده ازاي هونت عليها هي متأكده اني بحبها ! اسلام: انت هتعيط و لا ايه الناس لسه موجوده والله ما كنت أعرف انت بتحبها ازاي شايف الواد صلاح ده احلي منها والله يا فريد انت احسن منها في كل حاجه فريد : يمكن ابوها غاصبها يا اسلام و هي مش مقتنعه اسلام: مش حاسس انا مش عايز اروح بس مضطر عشان امها عزمتني و هيبان كل حاجه لما اروح فريد : ربنا يعملها الخير هقول ولا اعمل ايه؟ اسلام : يارب عايز اكلمك في موضوع عارف مش وقته بس معنديش وقت اني أاجله فريد: في ايه قلقتني اسلام ابتسم: عايز اجيب اهلي و نيجي نشرب شاي عندكو فريد: ما تيجو اي وقت من امتي بتستأذنو يعني هتعملي مؤدب ! اسلام: عايزين نشرب شربات طيب حلو كده؟ فريد: ما تشربو اللي تشربوه هنقولك لا يعني اسلام: انت غ*ي ليه عايز اخطب اختك قبل ما بابا يسافر فريد باستغراب : نعم ليه ان شاء الله اسلام شعر بصدمه : ايه رد الفعل ده! فريد: انت مقولتليش قبل كده و لا لمحتلي حتي اسلام: كنت مستنيها تدخل جامعه و بابا يجي و اهو حصل فريد: يا سلام و ازاي متقوليش يعني اسلام: انا مقولتلهاش حاجه و لا في بينا كلام غير سلام سلام يعني ممكن ترفضني اساسا ! انا مش فاهم ايه مزعلك انا فاكرك هترحب بالموضوع فريد: معلش يا اسلام مش قصدي بس انت عارف اني مخنوق ومش في المود اسلام: بابا مسافر الاسبوع اللي جاي عشان كده كلمتك دلوقتي انت عندك اعتراض عليا في حاجه فريد : اكيد لا يا اسلام و هكون متطمن عليها معاك لو وافقت اسلام: يبقي كلم مامتك و حددو ميعاد و قولولنا فريد : طيب ربنا يسهل هرد عليك لما أبلغهم مساءا بعد مرور الوقت عاد للمنزل كانت سعااد و ريما و ريهام جالسين معا يتحدثون فريد : كويس انك لسه صاحيه يا ريما ريما : ليه فريد بمشا**ه: متقدملك عريس يا قرده ريما كشرت: يع مين ده! سعاد: يع ايه اسكتي انتي مين ده يا فريد فريد: اسلام صاحبي ريما ابتسمت بسعاده: احلف قول والله اسلام ريهام ضحكت: يخربيتك فريد: نعم يعني مش فاهم ايه التحول ده! ريما شعرت بالحرج : انا داخله اوضتي ده رأيك انت ومامي يلا باي تصبحو علي خير ريهام ما زالت تضحك : استنيني هاجي معاكي يا هبله جلس فريد بجانب والدته سعاد : و انت قولتله ايه بقا فريد : هو باباه مسافر فعايز يجي قريب عشان يشوف الدنيا فيها ايه سعاد: انا مكنتش عامله حساب جوازها دلوقتي يا فريد كمان اسلام ميترفضش مش هتمنالها احسن منه فريد: مش عامله حسابها ازاي ماديا يعني و لا في ايه بالظبط ! سعاد: ايوه و انت عارف هما مستواهم ايه مش عيزاها تكون قلبله فريد: متشغليش بالك لو موافقه بالحاجات دي سعاد: لا طبعا لازم اشغل بالي انا اللي معايا لفلوس جهازها يادوب ٦٠ الف و دول ميجبوش حاجه و انا مش هخليها تتجوز غير وراسها مرفوعه و انت عارف كده كويس فريد: اهل اسلام مش كده و انتي عارفه بس كلامك صح و الفلوس اللي معايا اعتبريها فلوس جهازها اكيد مش. هبخل علي ريما بحاجه سعاد: لا طبعا ده انت ما صدقت قربت تكمل مبلغ الشقه عشان تتجوز فاسحبهم منك لا حرام فريد : ما انا مش هتجوز دلوقتي سعاد: ازاي يعني انت مش قولتلي رايح تخطب اخر السنه دي يا فريد؟ فريد: ماما محصلش نصيب خلينا في ريما دلوقتي انا هبلغهم يجو كمان يومين و متشغليش بالك ب اي حاجه كله هيتحل سعاد: يا ابني بس مينفعش فريد بنفي : مبسش ريما الاول و بعدين انا افوق لحالي سعاد: ربنا يريح قلبك و بالك يارب بس انا حاسه انك متضايق يا حبببي احكيلي مالك فريد: متشغليش بالك يا حبيبتي مشكله في الشغل بسيطه و عدت الحمدلله المهم ابقي اعرفي راي ريما مع ان مش محتاجه سؤال بعد اللي عملته ده اما بالداخل عند الفتيات ريما كانت سعيده: بان عليا تفتكري حسو بحاجه؟ ربهام: انتي فضيحه زمانهم افتكرو بينكو حاجه اساسا ريما: اعمل ايه مش مصدقه نفسي مش قولتلك حاسه بيحبني و بيموت فيا ووهيخطططططبني هيخطببببني لولوولولولولي ريهام ضحكت : اول مره تحسي حاجه صح يا فاشله ريما: انا عايزه اصرخ و اقول لكل الناس اني مبسسسسسوطه ريهام: بس بقا عشان فريد مش يقفش عليكو و يفتكر انك كنتي بتكلميه ريما و هي ترقص: حاضر حاضر هحاول اخبي اهو هخبي جداااا هخبي خاااالص اسلام هيخطببببني ريهام ضحكت : يا عيني كنتي بعقلك من شويه والله اما ريما اخرجت صورته من ع هاتفها و كانت تتحدث معه ريهام : لا ده انتي اتجننتي رسمي انا رايحه انام احسن ريما : اوك اوك باي بعد كده مش هحتاج حد احكيله ع حااااجه بقا عندي نص تاني سمسمتي ريهام و هي تغادر الغرفه: والله فريد هيجي يجيبك من أفاكي و يبقي معاه حقي تصبحي ع خير ريما ارسلت لها قبله: و انتي من اهل الخير ياغاليه ريهام تفاجئت به يجلس بمفرده في الخارج ريهام : مش هنشتغل النهارده يا فريد ؟ فريد : مش قادر يا ريهام مش مركز ريهام بتردد: متستاهلش ده كله يا فريد نظر لها فريد باستغراب ريهام: انا عارفه شوفتكو اكتر من مره مع بعض زي ما كنت بشوفها مع غيرك بس مقدرتش اقولك عشان عارفه انك مبتحبش حد يكلمك في حياتك الشخصيه مش هقولك صفحه و اقفلها بس اقطعها من حياتك كأنها مدخلتش حياتك اصلا هي متستاهلكش فريد :ريهام معلش مش عايز اسمع كلام في الموضوع ده ريهام بحرج : انا اسفه تصبح ع خير هروح انام لكنه لم يرد عليها فذهبت  اما في مكان اخر كان يجلس امام حاسوبه اقتربت منه : ممكن اطلب منك طلب شريف : خير يا مدام سناء سناء: عندي بنتي شغلها زي شغلك كده ينفع تاخدها تدريب هي طالبه لسه و لو مش كويسه خلاص متكملش معاك شريف: في سنه كام سناء: ٣ شريف : خليها تيجي الشركه يوم السبت سناء ابتسمت : بجد بسرعه كده شريف : ايوه بس اعرفي اني مبحبش الوسايط احنا فعلا محتاجين ناس للتدريب سناء: ماشي ماشي طيب في كارت او حاجه ؟ شريف : اتفضلي سناء: ربنا يكرمك يارب انت و ولاد الحلال اللي زيك يا حبيبي انا ماشيه محتاج مني حاجه ؟ شريف : قوليلهم يعملولي قهوه سناء: حاضر وكادت تذهب لكن اوقفتها يسرا : استني يا سناء عيزاكي سناء: خير يا يسرا في حاجه و لا ايه يسرا : بقولك البنتين الجداد مش عجبني خالص سناء: ليه انا متابعاهم و شغلهم كويس علي فكره يسرا : امال اللخبطه جايه منين بقا سناء: انا عارفه جايه منين و انتي متقلقيش انا متابعه الكل و عارفه هعمل ايه في الوقت المناسب يسرا : مش عارفه كنا هنعمل ايه من غيرك هي ديجا جايه امتي؟ سناء: زمانها ع وصول السواق قالي انهم في الطريق من شويه يسرا : كل حاجه جاهزه يا سناء سناء: ايوه قولتلهم يجهزو الاكل اللي بتحبه و اوضتها و الكل تمام و جاهز يسرا : خلاص امشي انتي عشان متتأخريش ع بنتك و بيتك في نفس الوقت دخلت خديجه ابنه يسرا : مامي ميس يو جدا خالص يسرا احتضنتها : حمدلله ع سلامتك يا حبيبتي خديجه : ميرسي سناء: حمدلله ع سلامتك نورتي البيت يا خديجه خديجه لم ترد عليها: سناء طلعي الشنط عشان مستعجله ممكن؟ سناء: هخليهم يطلعوها حالا متقلقيش خديجه بنبره آمره : طلعيها انتي يا سناءبقولك ! يسرا: قوليلهم يطلعوها انتي يا سناء و روحي عشان متتأخريش و تعالي بكره برحتك سناء: تصبحو ع خير بعدما ذهبت سناء يسرا: مش قولتلك ميه مره سناء غير اي حد و مش بتشتغل عندك انا بعتبرها صاحبه بيت ديجا بضيق : مامي اوف بجد و مش كل مره تسمعيني المحاضره هي خدامه زي كل الموجودين تعمل اللي احنا عايزينه منها مقابل الفلوس اللي هي متحلمش تاخدهم شريف : اانا مش عارف امتي هتتعاملي زي الناس الطبيعيه و تنزلي لارض الواقع بتاعتنا هي مش خدامه انا بجيبها تنظم الحفلات و السهرات و شغلها أحسن من مليون واحد معروف في مجالها يا خديجه و انتي شوفتي بنفسك يسرا: انا تعبت منها يا شريف مش عارفه اعمل ايه معاها بجد ديجا : اوف حاضر هتغير مبسوطين مني كده؟ ممكن بقا تقوليلهم يجهزولي الاكل هاخد شاور و انزل لاني عايزه اكل خالص بعدما صعدا نظرت يسرا لشريف بيأس شريف : تربيتك يا يسرا متلوميش غير نفسك يسرا: مش انا يا شريف انت عارف عادل دلعها ازاي و بيعاملها ازاي عادل وصل في نفس الوقت تدخل في الحديث : بنتي الوحيده و ادلعها زي ما انا عايز انتو متضايقين ليه مش فاهم شريف : ازيك يا عادل عادل : انا حلو جدا شريف : يارب دايما يا سيدي اانا اكره يعني ! انا ماشي عايزه حاجه يا يسرا؟ يسرا: ما تخليك اتعشا معانا و تقعد مع ديچا شويه شريف : لا انا مشغول عندي حاجه مهمه عايز أخلصها يسرا: ماشي يا حبيبي خلي بالك من نفسك
Free reading for new users
Scan code to download app
Facebookexpand_more
  • author-avatar
    Writer
  • chap_listContents
  • likeADD