غيرلي حياتي (ديجا) بقلم شمس مصريه

الثالث

فريد : مش معترض بس انا شايفها صغيره لسه يا ماما

سعاد : مش صغيره يا حبيبي دي السنه الجايه هتكون في تالته جامعه

و انا اتجوزت و انا في اولي جامعه كمان كليتها سهله مش عملي محتاجه حضور

فريد : خلاص اللي تشوفوه

انا شايفها مبسوطه فمش هزعلها

سعاد: عقبال ما افرح بيك يا حبيبي

والله ريهام بنت حلال و تتمني

قاطعها فريد: ماما ريهام اختي كفايه كلام في الموضوع ده وحاولي متعشمهاش بحاجه عشان حرام خليها هي تشوف حياتها

سعاد: طيب خلاص اهدا هو انا كل ما اكلمك تقلب وشك كده

فريد : المهم بكره هجبلك الفلوس و انزلي معاها شوفي بقا بيجيبو ايه و هاتيه انا مبفهمش في الحاجات دي

سعاد: خلي فلوسك معاك انا كلمت اخويا يشتري مني الارض

فريد : ماما مفيش حاجه هتتباع اخوكي لو اشتراها هياخدها بربع تمن و احنا مش مضطرين لكده اساسا

سعاد : هو فعلا قالي سعر معجبنيش بس يا حبيبي عشان عايزه افرح بيك برضو

فريد : نخلص من ريما الاول و تفرحي بيها و بعدين نشوف

كلميه كنسلي معاه

و مش هقبل بحلول تانيه ع فكره الفلوس هتبقي معاكي بكره

سعاد : حاضر

و اضاء هاتفه : دي ربهام هرد عليها و انام تصبحي ع خير

ريهام : هنشتغل امتي يا فريد انت حمستني و سبتني كده في النص

فريد : خلاص يا ريهام انا زهقت و ق*فت

مش هعمل حاجه تاني

ريهام : بتهزر ! طب خلص البرنامج ده ع الاقل

فريد: انا ماليش مزاج لاي حاجه لو حابه انتي تكمليه ماشي

ريهام: لا انا مش هقدر لوحدي كمان انت اللي تعبت فيه مش انا

فريد: خلاص يبقي ركزي في جامعتك دلوقتي ووبعدين بقا ربنا يسهل

ريهام : طب انا نازله شركه يوم السبت ما تيجي معايا

فريد : انا مبسوط في الشركه اللي انا فيها مش عايز أغيرها

ريهام: طب اكدب ع حد تاني عمتا الفرصه قدامك وقت ما تحب قولي

فريد : ماشي تصبحي علي خير

اما ريما رن هاتفها باسمه فابتسمت و هي تشعر بالخجل و ردت عليه لكن لم تنطق

اسلام : لا لا ردي مش هنكمل في **ت

ريما كانت مبتسمه و بعد لحظات قررت ان تتحدث: عايز ايه

اسلام : عايز أقولك اني مبسوط بجد

ريما : و انا كمان

مقولتليش ليه انك هتعمل كده و تكلم فريد

اسلام ضحك : اقولك ايه انتي هتجبيلي مصيبه هو احنا كنا بنتكلم اساسا !

ريما : لا!

اسلام : طيب وضحي عشان اخوكي ميتجننش لو سمعك بتقولي كده

ريما : تؤ واثق فينا احنا الاتنين

اسلام : مين بقا الواد اللي في الجامعه اللي دايما لازقلك ده عشان السؤال ده نفسب اساله من قرن تقريبا

ريما : ع فكره كنت بشوفك لما بتيجي

اسلام : عارف بس مش دايما كنتي بتاخدي بالك

ريما : لا دايما

اسلام : لا باماره لما كنتي بتحكي لساره علي واحد انك حاسه لو قالك ازيك هتاخديه بالحضن

كنتي بتتكلمي ع مين بقا

ريما شعرت بالخجل فانهت المكالمه سريعا

ضحك اسلام و عاود الاتصال بها

: في ايه

ريما : الشبكه بس مش حلوه

اسلام : طيب كنت بقولك باماره لما كنتي بتقولي

ريما : خلاص خلاص مش عايزه اعرف انت سمعت ايه

اسلام ضحك : ماشي مش هرخم عليكي

ريما : احسن برضو ده انت رخم بجد مكنتش اعرف انك كده

اسلام : انتي رايحه خطوبه بكره دي

ريما : مني الرخمه ؟

اسلام : هي اللي شبه صلاح دي ايوه

ريما : ايوه رايحه عشان اشوف مين الاحول اللي حبها

اسلام ضحك : سبحان الله

ريما : مش فاهمه

اسلام : اصل مني دي في ناس بتموت فيها كتير

ريما : بتهزر دي مامتها طيقاها بالعافيه اسألني انا

اسلام: خلاص خلاص المهم حلو اننا هنتقابل بكره و هقول لفريد نخرج مع بعض

انتي اي.

قاطعته بسعاده: موافقه موافقه طبعا

و ظلو يتحدثو معا لوقت طويل و لم يشعرو بملل ابدا

اليوم التالي

كانو يتناولون الغداء

ريما : ماما انا هنام شويه و بعدين اصحي أجهز

سعاد : ليه يعني بطلي **ل

ريما : لا بجد لازم انام جدا

فريد : سيبيها تنام الاستاذه سهرانه لبعد الفجر بترغي في الموبايل

ريما : انت عرفت منين

فريد ضحك : صوتك كان قد كده

ريما : اتضايقت مني طيب ؟

فريد : كلها شهرين تلاته و تبقي مراته اتضايق ليه !

ريما ابتسمت : ايه ده وافقت بجد ؟

سعاد: يا بنتي اتقلي

ريما : ايوه ما انا عادي اهو

فريد أبتسم : طيب مش هتنامي

ريما : لا خلاص عشان م**لش

فريد : طب يلا نجهز

بعد مرور الوقت قابلو اسلام و ذهبو لحفل الخطبه

اسلام: ايه اللي جابك كنت فكرك مش هتيجي ؟

فريد : معزوم مجيش ليه؟

اسلام: مكنش صح انك تيجي

فريد:يلا ندخل يا اسلام اللي حصل حصل

اسلام: طب بقولك ممكن شويه و اخرج انا و ريما

فريد: بدأنا استفزاز و استغلال بقا

اسلام': والله ما هنتأخر ساعتين بس

فريد: ماشي يا سيدي

و دخلو و جلسو كان ينظر لضحكتها و سعادتها و يشعر بسكاكين في قلبه لم يكمل عشر دقائق و خرج

ليتنفس براحه

لاحظ ذلك اسلام و ذهب خلفه

اسلام: انت بجد عامل في نفسك كده عشان اللي جوه دي ؟

فريد لمعت عيناه : عملتلها ايه وحش عشان تعمل فيا كده دي بترقص في حضنه و مبسوطه للدرجه دي كنت مغفل !

اسلام : انت مش مغفل انت بس انسان و مش مق*ف فمش متعود ع الق*ف ده لكن هي دي تمامها يا فريد

فريد: انا هاخد ماما و أمشي احسن و انت متأخرش ريما

اسلام: ماشي كده أحسن

اما في الڤيلا : التوكيل اهو يا عادل

عادل: تمام هخلصلك حاجتك قريب و ابقي الغيه

شريف: واحد يا عادل بس فعلا خلص الحاجه بسرعه عشان معنديش وقت

عادل: متقلقش هنجزهملك

شريف : فين ديچا عايز اسلم عليها قبل ما أسافر

عادل: بره هي و حسام

شريف : هما هيتجوزو امتي يا عادل صح

عادل: و هنستعجل ليه خليهم يعيشو سنهم

شريف بعدم اقتناع : ع رايك

انا رايح اسلم عليها و أمشي

عادل: ممكن ابقي احتاج منك خدمه لما تروح لندن

شريف: لما اروح هقولك و بلغني باللي محتاجه

عادل: تمام

و ذهب يبحث عنها في الحديقه وجدها لكنه عاد مره أخري

قابلته يسرا: خلاص ماشي

شريف:اه

يسرا: مالك

شريف : بصي ع بنتك هي ازاي قاعده ع رجله كده انا م**وفلها

و ات**فت اروح ماهو هيشوفني مش راجل

يسرا: شريف انا تعبت كلام بس عادل مقويها و مبيخليش كلمتي تمشي عليها

شريف : خلاص كلميه انهم يتجوزو ع الاقل لما تعمل كده يبقي اسمها مراته

و خليها تلم لبسها شويه

يسرا : بحاول و هحاول والله

المهم انت طيارتك امتي

شريف : انا طالع المطار دلوقتي

يسرا : تيجي بالسللامه يا حبيبي خلي بالك من نفسك

و ذهب و هي ذهبت لديجا و حسام