الحلقة التانية

1907 Words

الحلقة التانية نعمه:: بقولك يا روحى انت مرتاح معايا هنا؟ جلال:: بصراحه يا نعمه انا مستتقل قعدتي عندك الفترة دي لانك صاحبة فضل عليا وست جدعة ب 100 راجل نعمه :: جلال انت عارف انى بحبك واللى بيحب بيعمل اى حاجه ترضى حبيبو مع ان الوضع دة بيخلي الست تبقى فى نظر الراجل ست مش كويسه جلال:: اوعى تقولى كدة انا اتظلمت كتير وبعرف اشوف الامور بمعيار كويس هو انى اعرف بتكلم مع مين وانى قبل ما اتعامل مع حد بعرف كويس احتويه واعرف ازا كان يستحق كلامى ولا لا وانا الدنيا عرف*نى انى اتكلم براى واحد محايد يعنى لو شايف انك ست وحشة حقولها بكل صراحة، انتى ست جوهرة وقلب كبير وخسارة فيا كمان نعمه: انت بتقول ايه يا جلال اوعى اسمع الكلام دة منك مرة تانيه بكرة الدنيا تضحك لك وتكون شان تانى غير كدة خالص وياريت يا حبيبى تنسى اى حد دخل حياتك بالغلط وتعمل حياة تانيه يا جلال انت لسه صغير موصلتش للحد انك تكون انسان ياس جلال:: اليأس يا نعمه ميعرفش سن معين وانا مش ياس ولا حاجه بس مستنى الوقت المناسب وحصرب اول ض*به من ض*باتى ومش حنكون موجعه بس لا حتخلى صاحبها يفكر انه كان غلطان انه وقع فى طريقى ويندم على اللى عملوا معايا وياريت ندم بس لا دة حيحاول يصلح غلطو كمان نعمه:: انت كلامك بدا يخوفنى منك يا جلال ومش اقولك ايه وايه اللى وصلك لكدة جلال:: الغدر والكراهيه والغل فى غيون اعدائى وصلونى لاكتر من كدة صدقينى يا دلال انا زعلان من التجربه اللى مريت بيها بس اللى مزعلنى انهم بقدر كبير من الغباء قدر لو اتوزع على البشر حيخليهم حاجه تانيه ومش عارف اتوقع رد فعلهم حيكون ايه بس انا عن نفسى وصلت لنتيجه كبيرة عارف انى اعمل ايه يالظبط وازاى اقدر ابدا اللعبه وانهيها كويس نعمه:: بس انا خايفه عليك يا جلال جلال:: انا قولتك قبل كدة كلمه الخوف ملهاش مكان بحياتى ولوخفت كنت ممكن مكونش قدامك ولا قدام حد اعرفه عارفه ليه مش خايف عشان انا دوقت طعم الغدر والخيانه يعنى بمعنى اصح عرفت انهم ممكن يغدور تانى وتالت واكتر اقدر اقولك ان اللى يتغدر بيه مرة ، تانى مرة حيكون حريص ولو قدر يقع بالفخ تانى يقى منتهى الغباء منه صعب جدااااااا يا نعمة لن حد يقدر يخلى قلبى يلين ناحيته وانا عارف ان بالمقابل هو كمان مفيش حاجه جواة انسان خاين ليه اخليه موضع ثقه نعمه:: جلال هون على نفسك شويه وتعالى ارتاح تحب اعملك قهوة انا جبتلك سجاير فى الشنط طلع السجاير واعملك قهوتك جلال:: لا بلاش قهوة اعملى شاى ويكون تقيل شويه وبعد فترة طلعت نعمه ومعاها الشاى وجلال بدا ينسجم مع نعمه وحس انو كان فظ معاها ومهما كان دى ست وكمان كان واثق لاخلاصها وانها بتعمل كدة مش لرغبه ليها انما دليل لحبها وهى كمان من زمان كانت بتحب جلال وافتكر جلال ايام الصبى بتاعه واخر موقف كان مع دلال --------------------------------------------------------------------------------------- وهنا عزيزى القارى فترة عاشها جلال قبل الاحدات المرة اللى مر بيها جلال كان انسان عادى جدا محب للحياة واخد كل الامور ببساطه زى اى شاب كان ليه طموح بالحياة حب دلال كانت جارتهم بنت جميله قوامها ممشوق للغايه وكانت دلال زى اى بنت مفعمه بالحياة بس بتحب حياة الثراء وخصيصا انها من بيئه متوسطه الحال كانت دلال بتدرس زى المعتاد تروح مدرستها كانت بالثانوى العام جلال شافها اول مرة بس مكنش اول مرة يشوفها لانها معاة بنفس الحى بس شاف شى متغير انها كبرت وبقت حلوة وبقت تمتلك كل مقومات الانوثه وكانت ام جلال عايشه راح اتقدم لخطبتها وكان اهلها موافقين بشروط السكن والعفش وكل مسلتزمات الزوج شانها زى اى بت بتتزوج وليها طلبات تم خطبه دلال والاهل والكل كان فرحان وبحكم شغل جلال موظف وسمسار عقارات كانت الحاله الماديه حلوة ودخله يقدر يسعدها ولان جلال كان طموح كان بيعمل مشاريع استماريه بسيطه تقدر تخلى حياته كويسه ارتبط بدلال وكان بيحبها رغم انها كانت ميفرقش معاها غير انها تكون فى مستوى يبعدها عن الفقر وكان بيحاول يتقرب منها كتير وحس انها بتفرح بالهدايا والدهب كان جلال كريم معاها وعرف يلفت انتباها وتكون طوع جلال وكان كل فترة يديها مصروف كبير تقدر دلال منه تظهر بشكل لايق قدام اصحابها وكانت اغلب الفسح بتطلب منه انه يشترى لها لبس واحذيه وكان مبيرفضش لها طلب وكمان كان اهلها طماعين بيحبو المادة بشكل مريع للغايه وعرف انه ي**ب الصغير قبل الكبير لا تندهش عزيزى القارى فهى لست بمبالغه فى القصه ولكن اللى يحب بصدق يعمل اكتر من كدة وابتدى جلال فى نزيف امواله وكان مضيع فلووسه على دلال واهلها وكمان كانت امة كتير بتنصحه انه يلم دور المصاريف الكبيرة كان بيريحها ويرضى حبيبته وبدا العد التنازلى ان حياته بدات تكون سعيدة وقلقان انوا مش قادر يعمل شى يزود دخله المالى وجاءت الصاعقه على جلال عندما راى التغير من حبيته واهلها لقله المادة وعدم تلبيه احتياجتها جن جنون جلال وكان بيفكر ازاى يقدر يسد الباب اللى فتح منه اعباء كبيرة مش قادر عليها بداءت المشاكل بين دلال وجلال فى طريقها وكان جلال اتعرف على سعيد واخوة جابر وكانو بيشتغلو بالاثار المتهربه عرف منهم ان فيه مكان مدفون فيه اثار وكان المكان مهجور وجلال قدر يحفر بالمكان بالسر وكان المكان مليان اثار بعد حفر 12 متر تحت الارض وطلع جلال تماتيل خفيفه تعادل 12 تمثال احجام كبيررة وكان المكان مليان مجواهرات وتاوابت كبيرة قدر يطلع التماثيل دى ويخفيها فى مكان تانى وبعد مطلع المكان انهار من كثرة الحفر ومعرفش يوصل لباقى الاتار وبخدعه عرف يقول لسعيد واخوة ان المكان فاضى بس هو يعرف مكان تانى قريب منه اللى كان دفن فيه التمايئل ووقدر ي**ع سعيد واخواته على تغير المكان وقالهم ان نسبتهم 20 الميه فى التصرف بالاشياء وشاءت الظروف ان جلال يدخل السجن ___________________________________ ________________________ نعمه: انت سرحت فى ايه يا جلال جلال ابدا يا روحى مفيش بس انا كدة بسرح غضب عنى فى حاجات كتير ملهاش اول من اخر نعمه:: افهم من كدة ان قعدتي مش عاجباك جلال: لا بالع** انتى زى القمر وعرفتى تخلينى احن ليكى نعمه:ك بجد يا جلال انا عجبتك جلال:: بجد يا نعمه ___________________________________ ______ عودة للماضى فى ظل نعمه او معرفت جلال كانت نعمه تروح تساعد ام جلال وكانت تلمح لامه بالكلام على انها بتحب جلال ام جلال:: يخرب عقلك يا بت يا نعمه اتقلى شويه متبقيش خفيفه كدة المفروض ان الراجل ميحبش البت اللى بتدلق عليه كدة نعمه: وانا اعمل ايه يا خالتى ام جلال يوم المنى انى انى اتجوز جلال وهو مش حاسس بيا خالص ام جلال:: يوم المنى يا بنتى وهو حيلاقى وحدة زيك فين غلبانه وبنت حلال وست بيت زى الفل نعمه:: انتى دايما بتجبرى بخاطرى يا خالتى وجلال ولا كانه مش موجودة مش عارفه اعجبوا ازاى بس يا خالتى لبس ولبست كوافير ورحت اعمل ايه تانى بس عشان ياخد بالى منى ام جلال:: والله يا حبيبتى ما هيلاقى زيك بس جلال ينوى وانا حكلمه وبعدها بفترة خطب دلال وكانت صدمه لنعمه اللى اتجوزت واحد من قاريبها ___________________________________ __________________________ عودة مرة اخرى جلال:: انتى مقوليلش يعنى يا نعمه ايه حصل وبقى عندك بيت ومصاغ والكلام دة نعمه:: اة انت حضرتك خطبت الست دلال وانا اتجوزت وكنت شغاله بشهادتى بالتمريض اطلقت وطلعت اعارة السعوديه بتاع 6 سنين ورجعت اشتريت البيت دة وباقى فلوسى فى البنك جلال: يخرب عقلك يا مجنونه ازاى كنتى بتحبينى وانا مش بحبك وقدرتى انك تحفظى على حبك المدة ديه مع ان امى الله يرحمها كانت بتكلمنى عنك وابتديت افكر فيكى وانتى بتجيلى السجن باحلى زيارات انتى واختى صباح تعمه: بجد يا جلال كنت بتفكر فيا جلال: اة والله يابنتى حبيتك بجد فى الوقت اللى تخلى عنى الكل وابو دلال رجع الدهب لامى وانا فى السجن عرفت كل بنى وحجموا نعمه: اهو دلال اتجوزت رجل غنى عندة مصنع رخام وعيالها معاها 3 بنات منه ودلال صاحبتى عارفه اان طول عمرها بتبص لفوق جلال:: كله بعون الله سلف ودين ومسيرى اردلها القلم اللى عطاهولى بس لسه بدرى شويه على دورها المهم انى اقدر اعمل حاجه تخلينى ليا شان وكرامه وكل واحد ادانى قلم حردوا عشرة الصبر حلو نعمه:: يا خويا بلا قلم ولا بتاع كل واحد منه لله وشوفف نفسك جلال:: ومين قالك انى مش حشوف نفسى يا نعمه حيحصل وحياتك حشوف نفسى واخليهم يشوفونى كمان جلال:: اسمعى يا دلال انا مسافر الصعيد بكرة ولما ارجع من هناك حتشوفى حاجات هتعجبك اوى تقدرى تقولى دى البدايه وكل بدايه ولها سكه حلوة معاها اختها نعمه:: انا خايفه اوى يا جلال جلال:: مش عايز اسمع منك الكلمه دى تانى مش القاموس بتاعى يا روحى لو عايز تكونى جنبى ___________________________________ _____________________ يوم السفر للاقصر استقبل الريس حفنى الصعيدى جلال وركبو السيارة متجه نحو البيت الكبير ببلدة الاقصر جلال:: وحشتنى ياخوى كيفك ياغالى حفنى:: سلم قلبك يا روح اخوك الا قولى يا غالى عايزز تبتدى امتى جلال:: باقرب وقت وعايز اعمل مشاريع بمصر باسمك وانك صاحب كل الهيملان دة عشان انت عارف ان الحكومه مفتحه عيناها وانا على الحميد المجيد وطالع من السجن وانت يا اخواى لك اسمك واهلك من كبار الناس محدش حيشك فى حاجه وتعملى توكيل عام بادارة مشاريعك واى ربح طبعا حيكون 50 فى الميه ليك منه حفنى:: كلام زين قوى يا خواى بس انت عارف انى دة حقك وزى مقولتلك مش عايز منك قشايا انت نسيت الايام الخوالى ههههههه مش معقول اخد حاجه مش بتاعتى وحقك دة واجب عليا شوف انت حتعمل ايه وانا ورجالتى طوع امرك جلال:: بس انا عايزك جنبى كل خطوة تكون معايا زى موعدتنى يا حفنى حفنى:: وانا عندى قولى يا خوايا كلام سيف على رقبتى كل حرف منه واجب انفذة جلال:: المهم انت حتعرف تتصرف فى الميت: الاثار) حفنى ودة مقدم ياخواى بس انك متاكد ان المكان امان اللى دفت فيه الميت جلال:: طبعا امان يا مرياسه مكان ولا الجن يعرف يوصلو وكل شى يكون تمام حفنى :: يبقى احنا باقرب وقت ننزل مصر ونطلع الميت ويدفن بمكان تانى بمعرفتى جلال:: كلامك على الراس يا ريس حفنى ___________________________________ ____ وبعد مرور اسبوع بالاقصر نزل جلال وحنفى القاهرة ووصلو لمكان دفن الاثار ورجاله حفنى شالو الاتار وسط خضار محمل وتم نقله بمكان اخر بمعرفه الريس حفنى حفنى:: بقولك يا جلال يا خواى انا حدلى الصعيد ومجدى اخوايا الصغير هنا بمصر هيكون دراعك اليمين بكل كبير وصغيرة واحنا دلوقكيتى حنرحلو ناخد واجنا ونكمل كلامنا دى شنطه فيه 10 مليون دولار دة حاجه بسيطه طبعا لغايه متصرف فى القتيل وطبعا الباقى فلوس اكتر من كدة بكتير بس دة الموجود معايا مشى امورك وانا امشى امورى يا خواى وبكدة اى طلب تطلبو طبعا انا ورجالتى ومجدى اخواى حنكون عتدك وخدامين كل صغيرة قبل الكبيرة جلال:: بس يا خواى اللى عايز اعرفهولك ان المكان اللى اعرفو ومفتحتوش تانى فيه خير كتير اكتر من دة بكتير وان اللى حيطلع حلالى وحلالك وانت تتصرف بيه حفنى:: انا عارف يا جلال وانت حكتلى بكل حاجه عرفنى المكان ونخلى مجدى اخوايا يشترى الارض اللى انت بتتكلم عليها جلال:: دة لازام يكون باسرع وقت عشان محدش يشترى العقار دة غيرانا ويكتشف السر قبلتا حفنى : زين قوى تعالى معايا والاررض ديه باسرع وقت حخلص بيها انا اعرف ناس بمجلس الشعب ناس كبارات قوى حنرملهم قرشين ونقدرر نخلص الارض دى وتعالى معايا دلوقت عرفنى المكان وانا فى اسرع وقت اخلصلك كل الورق جلال:: اة تخلص بس باسم اى حد وااثق بيه من معارفك وراح جلال عرف الريس المكان وراح لمجدى اخواة وعرف جلال عيه وشرح كل الامور وكان جدى فرحان بمعرفه جلال _________________________________ وبعد شهر من التمام قدر جلال يعمل شركه كبيرة باسم مجدى وكان هو المدير التنفيذى للشركه وله السيطرة عليها بموجب توكيل بادراة الشركه ومجدى وجلال قدرو يوثقو كل شى من مشاريع واستثمارات بمساعدة اعوان الريس حفنى واخوة مجدى وجيه خبر حلو لجلال اللى قدر يخلص فيه الريس حفنى الارض الى عليها الكوم الكبير من الاثار ليصل جلال الى اول سلالم الثراء وبعد مرور عام قدر جلال يوصل لمكانه كبيرة بين المجتمع الراقى واتعرف على اعيان البلد وعلى شخصيات مقربه منه من اعلى المناصب فى البلد وقرر جلال تانى خطوة هى انو يلاعب اعدواءة بنار باردة ودة حيبقى اولى خطوات الانتقام بالحلقة التالتة وكمان يقدر يكافا من يستحق عطفه من ناس مخلصين #يتبع #######

Free reading for new users

Scan code to download app

App Store Google Play

Facebookexpand_more