CHAPTER 4
CASSY’S POV
Akmang lalapitan ko na sana siya ngunit biglang may sumingit na babae.
“Babe! Kanina ka pa?” aniya dito sa lalaking tantya kong si Dylan.
Nanlaki ang mga mata ko nang ngumiti iyon sa babae at pinakita dito ang biniling bouquet ng bulaklak.
“Happy first anniversary babe,” ngiting pagbati ng lalaki.
Napakurap ako ng dalawang beses at muli kong tiningnan ang lalaki kung talagang si Dylan ba ‘yon.
“Grabe ka babe! Talagang nag-effort ka pa antayin ang alas dose para dito? Ang sweet mo naman,” kilig na wika ng babae saka tinanggap ang bulaklak.
Napabuga ako ng hangin saka lihim na natawa dahil na-realize ko na hindi pala ‘yon si Dylan. Bakit ba kasi siya naiisip ko? At teka nga! BMW ang sasakyan ng lalaking ito, imposible naman kung gano’n din ang sasakyan ni Dylan
