عندما يعشق الرعد(رحم للإيجار)

((عندما يعشق الرعد))))(رحم للإيجار) بقلم ?ريحانة الجنة? (الحلقة الاولي) اولا اعرفكم علي ابطال قصتنا وهما رعد وهمس. اما باقي الابطال هنتعرف عليهم من خلال الحلقات والاحداث. رعد:شاب في منتصف الثلاثين. شخصية قوية حاد الطباع شديد الغضب. يمتاز بملامح رجولية شديدة الجاذبية. ببشرة قمحي وعيون سوداء **واد الليل وحادة كعيون الصقر. وطول يافع. وجسم قوي يدل علي شدته وصلابته. وحازم في حياته ومعاملاته. يكره الخطأ والضعف. وليس من النوع الذي تستهواه النساء ويكره العلاقات النسائية يشمأذ منها ويراها ضعف ومهانة. ولايعترف بالحب. همس:فتاه في اوائل العشرينات هادئة وبسيطة. بملامح شرقية جذابة شعر اسود طويل وناعم وعيون سوداء جميلة ولكن حزينه. وبشرة بيضاء. هي فتاة رقيقة ولكن. تائهة متعبة من هموم الحياه. وظلم الناس لها حتي الاقرب لها يطمع بها. تبدأ قصتنا في اول مشاهدها في ڤيلا عائلة الحديدي والتي يعيش بها رعد الحديدي وزوجته وابنة عمه في نفس الوقت مها الحديدي. وايضا جدهم وكبير عائلة الحديدي توفيق الحديدي تنزل مها من اعلي للفطور مع جدها توفيق. علي السفرة قاعد توفيق الحديدي وبيفطر كعادته. مها:صباح الخير يا جدو. وباسته وقعدت تفطر توفيق: ابتسم حبيبة جدو. هاه قوليلي عاملة ايه مع رعد مها: بزهف. هعمل ايه عادي مفيش جديد. توفيق: اتن*د. انا بس نفسي اعرف انتوا طول عمركم عايشين مع بعض. وكمان متجوزين بقالكم 5 سنين ليه مش قادرين تحبه بعض وتتفقه انا عايز اتطمن عليكم. مها: جدو انت عارف من الاول ان انا ورعد اتجوزنا بس علشان نرضي حضرتك لكن انا عمري ما حبيت رعد. وهو كمان عمره ماحبني رعد اصلا مبيعرفش يحب ولا عنده قلب يحب بيه. انسان قاسي ومغرور. انا لولا زعلك كنت اتطلقت منه من زمان. توفيق: بغضب وصرامة. خبط بإيده علي الترابيزة بقوة. انا قولت مسمعش كلمة طلاق دي تاني. ولا منك ولا منه. والا انتي عارفة هعمل ايه لا انتي ولا هو هطوله جنيه واحد من ثروتي مها:بخوف. خلاص يا جدو انا بس بقولك علي اللي انا حاسة بيه. توفيق: بجدية. لا متقوليش. وانا عند وعدي اول لما تخلفه ولد انا هكتبله ثروتي كلها. بس المهم اشوف حفيد ليا. انا مش فاضلي من ولادي وولادهم غيركم انتم الاتنين مها:اتن*دت. اعمل ايه بس يا جدو ما انت عارف كل حاجة كل شهر والتاني عملية وتعب وانا خلاص تعبت توفيق:معلش استحملي. احنا بنتعب اوي علشان نقنع رعد بحكاية العملية دي كل شوية. ده ولد عنيد ومتعب مها:حاضر يا جدو هستحمله. بس هو يخنق جدا كل مرة بيطلع روحي علشان يروح للدكتور هادي علشان ياخد منه العينة توفيق: عارف المهم انتي ملكيش دعوة حضري نفسك انتي بس للعملية اللي بعد يومين. انا اصلا كلمته علشان يروح لهادي وهكلمه تاني وافكره مها:اوك يا جدو. عن اذنك علشان اروح السنتر توفيق: ماشي مع السلامة. طمنيني عليكي لما توصلي مها بضيق:حاضر يا جدو. متقلقش ما هو البيه بيخلي السواق هو اللي يوصلني في كل حته ومبيخلنيش اسوق من يوم ما اتجوزته انسان معقد توفيق اتن*د: معلش خلينا نسايسه بس لحد لما تحملي. وانا وقتها هعرفه عنده وغروره ده هيوصله لفين مها بإستسلام : تمام اشوفك بالليل ياجدو باي. ********************************* (في مجموعة شركات رعد الحديدي) داخل مكتب رعد رعد قاعد كعادته علي مكتبه بيتابع بعض الاوراق ودخلت السكرتيرة نانسي. نانسي:رعد بيه الفا** ده جه لحضرتك من شركة تجميل في إيطاليا. رعدبجدية:.وشركة تجميل!! وشركة تجميل تبعتلي انا فا** ليه!!؟ نانسي بمكر :بيقولوا ان مدام مها طلبت اجهزة وادوات تجميل للسنتر بتاعها من هناك وطلبت انهم يبعتوا فا** الاستلام علي حضرتك رعد رجع ظهره علي الكرسي وابتسم بخبث :مها! اه قولتيلي بقي تمام ابعتيلهم وقوليلهم ان احنا مطلبناش حاجة ومش هندفع وخلي الهانم تبقي تدفع هي.. نانسي ابتسمت بخبث: وقربت من رعد وبرقة ونعومة . واضح ان مدام مها مزعلاك. بس في ست في الدنيا تزعل رعد باشا تؤتؤ غلطانة ..!! رعد كان بيسمعها ببرود وثبات. وبعد عنها بخفة و مسك ايديها وضغط عليها بحزم وقوة:.لو فكرتي تعيدي اللي عملتيه ده تاني هتشوفي مني معاملة متتوقعيهاش في عمرك ده غير انك مش هتقعدي هنا تاني يوم واحد. سامعة!!؟ نانسي بتتألم من وجع ايديها: اي اي اااه ححاضر انا اسفة مقصودش صدقني .. رعد وهو بيزيد في ضغط ايده اكتر بعنف: انا رعد الحديدي.يا نانسي غير اي حد هلاس وتافه اشتغلتي معاه انا مليش في جو السفالة ده انتي فاهمة!!؟ نانسي عيطت من الالم بدموع :خلاص اخر مرة بس سيب ايدي ارجوك.. في الوقت ده دخل عدي وعدي يبقي صاحب رعد من ايام الكلية وبيشتغل معاه كمان وعلاقتهم قوية جدا لتقارب افكارهم وطباعهم. مع اختلاف بسيط ان عدي لين شوية عن رعد وحساس وجرب الحب وعاشه وداق عذابه ونعيمه كمان...غير رعد اللي عمره ما عرف الحب اصلا قبل كدة. نرجع للمشهد عدي اول ما دخل وشافهم بالشكل ده : ايه يا رعد في ايه!!؟ رعد ساب ايد نانسي وزقها بعيد عنه بعنف : امشي دلوقتي علي مكتبك ولسة حسابك معايا جاي اتفضلي.. خرجت نانسي وهي بتفرك ايديها من الوجع وبتعيط عدي بدهشة: في ايه بس هو انت كدة علي طول عصبي ومش طايق حد.عملتلك ايه بس البنت الغلابنة دي!!؟ رعد ضحك بسخرية: ها!؟ غلبانة. دي بجحة انا بس مش عارف البنات دي بتجيب البجاحة والسفالة دي منين متربوش دول في بيت اهلهم!!؟ عدي اتن*د : ليه بس عملت ايه!؟ رعد بضيق: جاية تتمايص عليا وتقرب مني وشوية شوية كانت هتقعد علي رجلي. حاجة زفت وانت عارف انا بكره الاسلوب ده. فاكراني زي الزبالة اللي كانت شغالة معاهم قبل ما تيجي هنا.. عدي بهدوء: طيب اهدي بس وانا هتكلم معاها. رعد بحزم: ولا تتكلم ولا حاجة انا اصلا مش عايزها هنا.انقلها في اي حته وهاتلي راجل مكانها مفهوم!!؟ عدي اتن*د بتعب: مفهوم بس روق كدة مالك اكيد مش نانسي هي اللي منرفزاك كدة!! رعد حط ايده في جيبه.ووقف قدام الشباك الموجود بمكتبه: هو فيه غيرهم بيعصبني ويحرق دمي ربنا يريحني منهم هما الاتنين واخلص بقي.. عدي: تقصد جدك ومها!! رعد: طبعا الاتنين نفس الفصيلة وانا مابقتش قادر علي التعامل معاهم .حاجة زفت!! عدي: هو توفيق بيه لسة مصر علي حكاية الخلفة دي ومن مها بالذات!! رعد:ايوة.وهي اصلا شكلها ارض بور ولا ليها في الخلفة ولا نيلة وكل شوية عملية وعينة وحاجة تخنق.انا بس لولا انتقامي من توفيق اللي مش هعرف احققه الا لما الهانم دي تخلف كنت خليت ايامهم هما الاتنين اسود ايام.بس معلش خليني معاهم للاخر لما اشوف اخرتها ايه عدي: انت لسة مصمم علي انتقامك ده انسي يا رعد بقي خلاص جدك كبر!! رعد: بغضب. انسي انسي ايه انسي امي اللي زلها وعذبها لمجرد انها مش من عيلة الحديدي انسي انه بعد موت ابويا. اهنها وشغلها خدامة في الفيلا!! انسي انه كان بيخليها تنام في الارض في عز البرد زيها زي كلاب السكك.!! انسي ايه يا عدي انسي انها كانت راضيه بكل ده ومتحملاه علشان بس تكون جنبي وميطردهاش بره البيت وتفضل عايشة معايا !!انسي اني كنت كل يوم ابكي عليها وعلي حالها وانا طفل 10 سنين مش قادر اعملها حاجة !!!امي تعبت اوي يا عدي واتزلت واتبهدلت علي ايد توفيق 5 سنين شافت فيهم الذل والمرض من معاملته ليها وفي الاخر ماتت من التعب والشغل اللي كانت بتشتغله. وحتي ليلتها رفض يجبلها دكتور وانا كنت لسة مجرد طفل عندي 15 سنة ومش عارف اعمل ايه حاولت اتصل بالاسعاف ضربني وقفل التليفون وسابها تموت قصاد عيني. وجاي دلوقتي تقولي انسي!!؟ مستحيل. مستحيييل يا عدي .. انا بس اول لما يكتب كل ما يملك لابني. هرميه زي الكلب في الشارع ححطه. في دار مسنين ولا حد هيسأل فيه.هدوقه من نفس الكاس ويمكن امر ... عدي طبطب علي رعد بحزن: انا عارف انت اتعذبت قد ايه واللي شوفته مكنش سهل. بس هو كمان جدك حاول تسامحه.!! رعد بتحدي: ابدا مستحيل اسامحه ومتقولش جدك دي تاني ده توفيق الحديدي وبس. انا مليش اهل حتي بنت ابنه انا اتجوزتها بس علشان احقق انتقامي منه. ده غير شريكاته اللي بحاول اوقعهاله يوم ورا يوم. لازم اخسره كل حاجة. لازم عدي: والله انا مش عارف اقولك ايه انت حر. المهم احنا عندنا ورق مهم عايزين نراجعه مع بعض بخصوص الصفقة الجديدة. رعد: لا انا دماغي مش رايقة انا هنزل اتمشي شوية وبعدين اتغدا ولما ارجع نتكلم مش جاي معايا!!؟ عدي: لا انا عندي شغل كتير. واصلا مليش نفس . رعد :خلاص انت حر سلام. واخد رعد مفاتيحه وفونه. ونزل بهدوء.. رعد اخد عربيته وماشي والشارع اللي فيه شركته هادي الي حادا ما.. كان ماشي بسرعة شوية وفونه رن ... الو ايوة يا عدي في ايه!!؟ عدي: ايوة يا رعد حاول متتأخرش الشركة الالمانية باعتت فا** ولازم تيجي علشان نشوف هنرد عليهم نقولهم ايه.!! رعد: يا عدي ما انت عارف كل حاجة رد عليهم انت.. عدي: ما انت عارف انا مقدرش اقرر حاجة زي دي منغيرك! في الوقت ده طلعت واحدة قدام عربية رعد فاجأة رعد فرمل بسرعة بس كان خباطها خلاص. رعد بقلق: اقفل يا عدي دلوقتي بسرعة هكلمك بعدين. وقفل فونه. نزل رعد بسرعة يشوف البنت اللي خبطها. قرب منها كانت فاقدة الوعي. رفعها من الارض وحاول يفوقها.. رعد: يا انسه انتي ولا مدام فوقي وبيخط علي وشها علشان تفوق ابتدت همس تفتح عنيها. ولما فتحتها لقت نفسها في حضن رعد ومقربها منه ومقرب ايديه من وشها.. رعد: اول لما فتحت عنيها بصلها بإهتمام. اكنه مكنش مركز في ملامحها من قلقه عليها فضلوا شوية باصين لبعض من غير ماحد يتكلم بعدها رعد فاق لنفسه.. رعد رسم الجدية علي وشه: انتي كويسة!! همس بتعب: اه اه ااانا كويسة. واتألمت ومسكت رجلها. اه رجلي رعد شاف رجلها لقاها اتجرحت فعلا وبتنزف .. انتي رجلك اتجرحت فعلا تعالي انا هود*كي اقرب مستشفي.. وقرب منها اكتر علشان يشيلها همس بخجل : اانت هتعمل ايه!!؟ رعد عقد حاحبه : هعمل ايه!!! هشيلك ... همس بخجل اكتر :لا لا ااانا هقوم لوحدي كفاية انك كنت من بدري بتلمسني ببجاحة اوعي متشكرة.. رعد بغضب؟؟ اه ايه!! انا بلمسك ببجاحة!!؟ ليه يعني. من قلة الستات ده انتي متسويش وسط الستات حاجة ...انا الحق عليا اني حاولت اساعد واحدة.زيك. همس بغيظ: انا !! انا مسواش وسط الستات حاجة !!! ليك حق طبعا يا ابن الناس. ما انتوا علشان راكبين عربيات وبطونكوا مليانة. تدوسوا علي الغلابة.. رعد تملكه الغضب وخبط العربية بإيده بقوة!!؟ انتي بتقولي ايه يا بتاعة انتي انتي اللي طلعتي قدامي. فاجأة زي القضا.. همس بصت في الارض وعيطت بقهرة.. وافتكرت انها فعلا كانت ماشية سرحانه..بس بسبب اللي حصلها ولسة بيحصلها كل يوم.. همس: عندك حق انا اللي غلطانة. اااانا اسفة. وحاولت تقوم هي لوحدها بدون مساعدة منه...لكن رجلها موجوعة ومش عارفة تدوس عليها.. رعد كان علي قد ما هو غضبان من كلامها. بس صعبت عليه لما عيطت وشافها مش قادرة تقف. بس حاول ميبينش ده. . رعد: احمم طيب تعالي اود*كي مستشفي او اي عيادة تطمنك علي نفسك وتشوفي رجلك دي حصلها ايه!!؟ همس و هي بتحاول تتماسك : متتعبش نفسك انت انا هتصرف.. ومع اول خطوة ليها علشان تمشي كانت هتقع .. رعد لحقها وساندها: متبقيش عنيدة تعالي واسمعي الكلام.. وشالها هو بالفعل وقعدها في العربية. ولف وركب وساق العربية بهدوء .. رعد كان كل شوية يبصلها وهو سايق. وبيكلم نفسه. في ايه يا رعد من امتي قلبك حنين كدة ما كنت سيبتها وانت مالك.!!! لا طبعا انا اللي خبطها يبقي لازم اساعدها. بس كدة ولا علشان عجبتك!!. لا لا طبعا انا مليش في السكة دي.. ايوة بس هي حلوة ..و حلوة اوي كمان!!؟ يووووه اسكت بقي وركز في الطريق.. همس بحديث نفسها ... هو انا زوتها معاه في الكلام!!! ده شكله ابن ناس ومحترم وزوق كمان.... وكفاية انه مصمم يساعدني.. رعد فضل طول الطريق ساكت واخدها المستشفي وهناك كلهم طبعا عارفين رعد. وهمس شافت هما قد ايه بيحترموه وبيخافوا منه. عرفت انه اكيد راجل مهم وبعد ما اسعفوها وربطولها رجلها وهما خارجين.. رعد: بحزم. تحبي اوصلك لاي مكان!!؟ همس بشكر وخجل: لا لا متشكرة اوي ..كفاية اللي حضرتك عملته معايا. وانا اسفة اني مكنتش مركزة.. رعد كان حاسس بحاجة غريبة بتحصل معاه في اليوم ده وخصوصا اتجاه همس.. مش عايزها تمشي وفي نفس الوقت مش عارف ده يحصل ازاي !؟؟ رعد: لا مفيش داعي للشكر. انا كمان كنت بتكلم في التلفون ومش مركز..المهم انك بقيتي كويسة و بخير.. همس: طيب عن اذنك علشان اروح بقي.. رعد مسك ايديها بلهفة ...لا استني طيب ..اانا هوقفلك تا**ي تعالي.. همس للاسف هي اصلا معهاش فلوس للتا**ي. لا لا انا همشي واركب اي حاجة.. رعد فهم من شكلها ووضعها انها في الغالب معهاش فلوس. رعد:. لا مش هينفع انتي تعبانة ومش عايزاني اوصلك يبقي تركبي تا**ي. تعالي.. ووقفلها تا**ي. ودفع للتا**ي المبلغ المتوقع وكمان زيادة احتياطي ... رعد للسائق: توصلها مكان ماهي عايزة وقدام بيتها مهما كان فين مفهوم!!؟ السائق شاف الفلوس وفرح من المبلغ: . من عنيا يا باشا ده انا هوصلها لحد باب الشقة كمان لو حبيت... همس ورعد كانوا باصين لبعض كأنهم بيودعوا بعض..نظرات غريبة من الاتنين والاغرب انها مش مفهومة ولا واضح سببها حتي ليهم هما الاتنين... ومشيت همس بالتا**ي وفضل رعد واقف وباصص عليها لحد ما غابت عن عنيه اكنه مسحور سارح ..!! رعد بعد ما فاق من سرحانه.. : مش ممكن انا ازاي حتي مسألتهاش عن اسمها!! ايه بس الغباء ده!! وبكبرياء وعناد ..الله وانا عايز اسمها ليه انت يا رعد النهاردة غريب..وكل تصرفاتك غريبة وانت من امتي بتهتم بالستات بالشكل ده... . انا لازم ارجع الشركة وانسي اللي حصل ده كله. لبس نظارته الشمسيه وركب عربيته ومش رجع الشركة.. #ريحانة_الجنه