Sana Maulit Muli
Yuna Hime (BxB)
BLURB:
Taong ika-labing siyam at siyam napu't pito; nagsimulang sumibol ang pagmamahalan na hindi tama sa mata ng kanilang mga kadugo, sa lipunan, at maging daw sa mata ng Diyos.
Siya ay isang doktor, samantalang ang kaniyang napusuan ay isang kapitan ng hukbo ng mga sundalo. Trahedya, ingkwentro, at misyon — iyan ang mga kaganapan na maglalapit sa kanilang dalawa. Hindi lang isa, kung hindi ilang beses silang paglalapitin ng init at tukso. Subukan man niyang pigilan, unti-unti na siyang nahuhulog sa kumunoy ng pag-ibig. Kahit pa man alam niya ang katayuan nito at ang nalalapit nitong paki-iisang dibdib.
Mula sa kilala at may mataas na antas sa lipunan ang pamilya ng sundalo. Bagama't hindi niya ginusto ang matukso, nandoon ang katotohanan na malapit na siyang ikasal sa anak pa mismo ng Presidente ng bansa. Sigurado siya noong una na ang doktor ay katuwaan lamang sa kaniya, hindi niya napaghandaan ang bagsik ng temptar na unti-unti ay gumagapang sa kaniya. Hanggang sa kalaunan, hindi na niya mapigilan pa.
Sa pagmamahalan ay isang singsing ang patunay na handa ka nang makasama ang taong iyon magpakailanman, pero sapat nga ba iyon para hindi magloko ang isang tao? Kung ang ang init ng temptasiyon ay bubulagin lahat ng iyong mga pangako? Bawal na pag-ibig, maling relasiyon, kung pagbibigyan ng pagkakataon, nais mo bang maulit muli?