Shielded

Prologue - Princess

“Mom, is she the princess?” tanong ng anim na taong gulang na si Heever sa mama niya habang nakatingin sa batang naglalaro sa loob ng bakuran ng castle house. The little girl keeps hopping to and fro at nagsasayaw sa saliw ng musika sa isip niya.

Napakunot-noo naman si Sheena at binagalan ang takbo ng sasakyang minamaneho, pauwi na sila ng bahay at sinundo ang anak mula sa school nito. Sinundan niya ang tinitingnan ng anak. Napangiti siya nang makita ang batang tinutukoy niya. The little girl is wearing a pink ball gown at may tiara pa na parang prinsesa.

“She’s not a princess. Anak siya ng may-ari ng bahay na 'yan.” Nangingiti niyang saad sa anak. Dalawang blocks lang ang layo nito mula sa bahay nila at nagkikita lang sila ng may-ari paminsan-minsan kapag may homeowners’ meeting o kaya ay get-together.

“Then that means she’s a princess. She lives in a castle,” pilit pa rin nito. Napangiti na lang si Sheena sa tinuran ng anak.