Kane a ikgoga go Michael makga a mmalwa efela go le boima go itokolla go motho yo mongwe wa tia go swana le yena. “O na le madi a ka.” A mo lebelela gape ka legetla la gagwe.
Michael ka go nanya a lesetša Kane, a katakata gore mogwera wa gagwe a se bone mmala o mohubedu wo tloditšego bokapele bja hempe ya gagwe, “O nagana gore ga ke tsebe seo? Ge o ka fodiša matswalo, re tla mo latelela ka bobedi ge o nagana gore re ka lwa le yena.”
Ge a lebelela Michael… a mo lebelela ka nnete, Kane a lemoga gore o tloga a sa nyake Michael kae goba kae kgauswi le Mdi. Ntshege-o-Nthipaganye yo a dirago mehlodi ye masomepedi-tharo ya lebebetšididi. “Akgaa,” a rora gomme a iša lentšu la gagwe tlase ge a laola pefelo ya gagwe, “O swanetše go ba a tlogile gabjale.” A retologa ka go homola ka mo a kgonago, a
