Ge a šikinya dikgopolo tša gagwe gore di tloge, Manyami a bitša letobe le leso go mo dikologa gomme ge le tloga mosetsana yo monnyane wa meriri ya go tshelatshela ye mesehla a ema sebakeng sa gagwe. Manyami a myemyela ge a lebelela pheta go dikologa molala wa gagwe. Tšhaene ya gauta ye tshesane, ye telele e fegilwe go dikologa molala wa gagwe go na le segokgo se setee se mamatleditšwe mafelelong a yona. Lerontho la bohubedu bja go tsenelela le beilwe ka morago ga yona gomme a myemyela gape a tseba gore bohubedu ke madi a Kane ao a boloketšego leano la gagwe.
O ile a obelela le go kgoma mmele wa segokgo, a sega ka boleta ge maoto a sona a matelele a thoma go sepela le go itshwareletša ka monwana wa gagwe o kare ke kgokaro ya lerato. Manyami a kwa a swabile gannyane ka ge a sa kgona go hwet
