Hoofstuk 8
Tiara sit op die stoel by die venster en uitkyk hoe die sterre een vir een begin verskyn. Skemer verander stadig in nag en haar kragte roep na haar … kragte wat sy probeer ignoreer uit vrees dat die droom wat sy gehad het 'n voorgevoel van ‘n waarskuwing was.
Die venster bied 'n uitsig oor die pragtige agterplaas vol tuine en 'n waterfontein waarvan die strelende geraas haar stadig laat ontspan.
Die probleem wat sy op die oomblik het, is dat daar niemand is om mee te praat nie. By POS was daar nog altyd iemand beskikbaar, maar hier is al wat sy het demone en Nagvalk ... nie een van hulle is op die oomblik lus om te praat nie.
Carley se gesig verskyn skielik onderstebo voor hare. “My gemis?”
Tiara klap albei haar hande oor haar mond om die verskrikte gil te onderdruk en val
